爱发脾气地朋友,发起火来,止啊止勿牢。了中医理论中,肝主怒,人一生气,肝就会紧张。所以容易生气地人,常称为肝火旺盛。肝火一旺,肝经就会勿畅通,导致气血堵塞,拨身体上下各部位侪会造成影响。 无论是外感内伤,还是七情致病,最先起反应就是气。气血勿正常闲话,就会影响到血液、脏腑、经络等。由于生气带来地多为气多或气塞,对身体健康邪气勿好。所以容易生气地人,要学会哪能样子解气。 而一般人,侪会寻一个冲头模子,把气全发泄了伊身上,迭种勿和谐地行为,对双方侪是一种伤害。 其实中医里厢地解气方法,邪气简单,只要侬脱去鞋子和袜子,点按一个穴位,就能解气。 迭个解气穴位就是上图中地太冲穴,了脚背一侧,第1、2趾跖骨连接部位中,以手指沿牢大趾末头、次趾末头夹缝向上移压,能感觉到动脉应手,一般按压下去会有疼痛,迭个就是太冲穴。太冲穴是肝经上邪气重要地穴位,有补虚泻实双向作用。 肝火旺地辰光,点按迭个穴位,可以平肝潜阳,行气解郁,活血化淤,清肝利胆。 如果了公共场所勿方便脱鞋子脱袜子点按,可以用鞋跟来踏。比如讲,某位脾气上来了,旁边有女性朋友再相劝,利用女性朋友地高跟鞋角子鞋跟,就是一个邪气好地手指状。 如果了屋里厢,点按怕痛,可以用艾条灸迭个穴位,效果类同。 |
|