|
薛觉先 芳艳芬演唱 唐涤生原作 吴一啸改编 旦: (反线红豆曲) 今宵人对月， 情比薄命桃， 青春消逝了， 自叹人易老， 池里波如镜， 低徊吊影孤， 若教春去后， 花落更花枯， 春花谁人护， 春燕日日劳， 柳色和月色， 带恨落波涛 (滚花) 何日得逢人爱护； 生: (慢长才上，春风得意) 朝中帝主意自豪， 今晚月色陪伴我， 芳菲满地铺， 游玩到清幽处， 睇见池塘碎影片片银涛 (慢板下句) 莺燕啼春， 清流影月， 好一个神仙境界， 确系俗世所无。 倒影红楼， 花飘水动， 忽见有美如仙， 胜似传神阿堵； (白) 楼畔美人池半影，真系看人看影都十分骚呀！ 旦: (白) 哎吔，乜眼金金咁睇人嘅啫！ (花) 我都未曾见过，咁胆大嘅风月狂徒。 此处唔系楚馆秦楼，乃系平阳驸马府； 生: (序托白) 哦，望吓都唔啱，好嘞好嘞，你唔喜欢人望个度，我就望第二度！计我话池中嘅倩影，都比较风骚， 旦: (白) 啋！ (排子头银台上) 望又试望， 生: (白) 乜望吓都唔啱呀， 旦: (续唱) 乜你咁胆粗 生: (白) 哈哈！ (秃唱长句二王) 粗粗粗， 我呢个粗人， 正想做一个美人奴， 替你着袜穿鞋陪到老， 替你铺床叠被， 我都不敢辞劳。 旦: (续唱) 你乜嘢好啫， 至怕你修唔到， 痴人梦想枉心劳， 就算一品夫人， 我都唔多愿做； 生: (白) 哗，你的口气都几大嘅噃！ (中板) 叫句小娇娃， 唇枪舌剑， 居然出在你素口樱桃。 好啦我问芳名， 何处仙居， 可否向鄙人吐露； 论芳容， 生得端庄秀丽， 你是否生长在京都。 细想我平生， 自负不凡， (转滚花) 看不起闲花野草； 旦: (秃唱反线中板下句) 我籍贯是淮阴， 风尘飘泊， 常感薄命如桃。 抱琵琶， 沦作歌姬， 花信年华刚已到； 犹是玉无瑕， 多少游蜂浪蝶， 痴心为我魂梦空劳。 (转正线花) 我名叫做卫紫卿， 生: (白) 卫紫卿呀……， (滚花半句) 确系好芳名， 旦: (白) 讲完我就誃喇， 生: (白) 喂 (续唱滚花) 请留芳步； (口古) 你生世经已言明，咁我嘅生世你想唔想知道呢； 旦: (口古) 你乜野咁紧要呀，无非系一个油头粉面，一个浪子登徒呀。 生: (白) 咁你睇差嘞 (花) 请你睁开凤眼，睇下我呢件龙袍。 重有玉玺随身，刻有汉家帝号； (白) 嗱，你唔信睇下喇， 旦: (慢的的白) 等我睇吓，唉吔，乜，佢真系个噃， 生: (白) 衰嘞，得罪皇帝， 旦: (续唱) 慌忙下跪，乞恕奴奴。 更愿得君皇，赐与一宫封诰； 生: (白) 啊，你想孤皇封你呀 旦: (白) 系啦 生: (白) 好啦，赐封为卫夫人 旦: (白) 谢主上！ 生: (白) 好呀， (花) 此后恩承雨露，不负你丽质清高。
|
|
|
