 图片发自简书App “到上海去伐（不）”，朋友当侬听到有人勒拉开口讲迭句閒话呃辰光，勒拉内心深处弄了覅好还会得去产生一眼眼疑问噢，并且还会得因此去“认为”讲迭句閒话呃人，伊大概覅是上海人，要覅然呃閒话，伊哪恁会得讲迭句閒话？！实际哴向“到上海去伐（不）”，是吾伲上海人勒辣老底子每隔一段辰光眼扳数要讲呃一句口头禅，而且使用频率邪气多，只畀过勒辣今朝仔很少有人再去讲伊而已！  图片发自简书App  图片发自简书App 勒拉老底子呃上海滩哴向，就是以黄浦江为界线呃，黄浦江以东就畀称之为浦东，黄浦江以西就畀称之为浦西。“到上海去伐（不）”，主要还是指浦东人乘摆渡船过黄浦江到浦西去，因为伊呃辰光呒得越江隧道跟跨江大桥，浦东人去浦西，只好乘坐摆渡船！老底子浦东人畀去外滩看情人墙、轮船勒拉黄浦江哴向往来穿梭、万国建筑群；逛逛老城隍庙、兜南京东路步行街、四川北路布店、大世界；僎叫做“白相（大）上海”，或“到（大）上海去白相”，覅单单是迭恁样子，甚至于浦东人畀凡是黄浦江呃对岸（面），侪是统称为“上海”。  图片发自简书App  图片发自简书App 记得勒拉笔者读小学呃辰光，外公外婆呃屋里厢住勒拉洋泾镇永安街北凌家弄，就是今早仔呃浦东大道崮山路路口“一品粤珍”酒店呃所在地，洋泾镇哴向呃人，就算是跑到了歇浦路渡口，乘宁歇线摆渡船，到对岸（面）呃杨浦区去购物买么事，啊一样会得称之为“到上海去伐（不）”、“到上海去买么事了”。勒拉伊呃辰光上海有得12爿百货商店，尽管原先勒拉浦东大道永安街路口啊有两爿商店，面朝东呃一爿是百货体育用品商店，面朝西呃一爿是百货日（食）用品商店，镇哴向呃洋泾镇西路同样啊有一爿百货商店，但畀过镇哴向呃人，还是更加愿意乘摆渡船到对岸（面）呃杨浦区平凉路1489号第三百货商店买卖么事，【备注：第三百货商店就勒拉杨浦区工人文化宫呃对面，杨浦区工人文化宫简称叫做“东宫”。】勒拉浦东人看唻，就算是到过上海了，迭呃尤其是浦东洋泾镇人心目当中呃上海滩了。  图片发自简书App  图片发自简书App 2003年7月份——2009年12月份呃辰光，笔者呃工作地点就是勒拉浦东新区凌桥地区，夯吧啷当就工作了六年多辰光噢，个人觉着迭嗰地方呃人也是交关有趣呃，凡是迭嗰地方土生土长呃人，到草高支路乘草临线摆渡船去杨浦区五角场；到三岔港乘三淞线摆渡船去宝山区；啊同样称“到上海去伐（不）”、“到上海去白相相”。  图片发自简书App  图片发自简书App 笔者从出生到16岁，有得一半呃辰光，是住勒拉原川沙县高桥镇，另外一半呃辰光，则是住勒拉原川沙县洋泾镇，即今早仔呃浦东新区高桥镇、洋泾地区，虽然讲迭两呃城镇，勒拉掰搿辰光是原川沙县四大名城镇当中呃两大名城镇，勒拉郊区其商业啊算得上是交关繁荣发达呃，但畀过，毕竟是勒拉浦东地区，跟浦西地区根本覅是一嗰档次呃，绝对是覅好去相比较呃，所以勒拉老底子、浦东人只要是勒拉经济有一眼宽裕呃条件下头、再加上还只要是有得了空余呃辰光，想要买高档一眼、时髦一点、好一眼、带有品牌呃各类么事，还是要跑到浦西去噢。比方讲：去原南市区十六铺东门路45号第五百货商店【注解：第五百货商店已被拆除。】、原卢湾区淮海路903号第二百货商店、原卢湾区淮海中路449号妇女用品商店、原黄浦区南京东路830号第一百货商店……想要跑到外头去白相相，浦东人依旧是要往浦西跑噢。假使讲浦东地区呃人，实在是覅想跑到浦西去了，但畀过又想出去逛逛买卖么事，那又该哪恁去办呢？！吾伲还可以乘81路、85路公交车，到崂山西路、东昌路，勒拉掰搿辰光，迭呃两块地方还归黄浦区管辖，各类商品啊算得上交关齐全呃，勒拉浦东地区啊可以算做是两嗰购物呃好地方。畀过，帮浦西做一嗰比较，还是有得一定呃差距呃！  图片发自简书App  图片发自简书App 勒拉老底子，相比之下而言，浦东地区呃商业运转模式跟程度，远远较覅如浦西来得繁荣跟发达噢，交通啊呒得浦西地区来得方便便利噢！勒拉掰搿辰光，还呒得啥呃越江隧道跟跨江大桥唻，浦东地区呃人要想跑到浦西去白相相，只恁够去依靠摆渡船，去一趟啊覅是邪气容易方便呃事体啊，一旦是碰着了大雾弥漫呃大雾天气，摆渡船（自轮渡）还要去停航唻，“到上海去伐（不）”好算得上是一桩大事体了，所以勒拉去呃前头，事先就要去盘算谋划好，看看天气么哪恁样子、灵光伐？！还要成群结队三五成群唻，大家一道结伴同行。 图片发自简书App 图片发自简书App 勒拉掰搿辰光，笔者唯一呃一位上海亲眷——大姨妈倪榴娣是居住勒拉虹口区东汉阳路上头呃，勒拉当时笔者呃屋里厢是住勒拉高桥镇上头呃，每趟仔到大姨妈屋里厢去白相相，畀定要大清老早起床出发呃，最最晚呃辰光也要勒拉早哴向7点钟左右，到81路公交车终点站上头等公交车，覅是先乘公交车到歇浦路站下车，去乘宁歇线摆渡船过江，再转乘22路或28路电车，就是乘到民生路站下车，去乘民丹线摆渡船过江，再转乘22路或28路电车，到了大姨妈呃屋里厢，勒拉绝大多数呃情况下头，基本哴向已快要到喫中饭呃辰光了！ 图片发自简书App 图片发自简书App 每趟仔到上海去白相相，回到屋里厢以后，假使是有买过么事呃，朋友、邻居以及同事看到以后，眼扳数会得围拢过来问问情况，侬迭眼么事，或侬迭件衣裳是勒拉啥地方买呃？！迭呃辰光讲閒话呃人，伊呃语气要比平常日脚硬气得多了，语调语气当中畀定会带着一份自豪感跟满足感噢，回答道：“勒拉上海（浦西）去买呃！”或者讲：“勒拉上海南京东路市百一店买呃！”……迭呃辰光覅要忒扎台型噢！【备注：“扎台型”是上海方言，是指有“交关面子”呃意思。】 图片发自简书App 图片发自简书App 笔者还清楚呃记得，尽管原先洋泾镇建平路上菱冰箱厂对面有得一嗰蔬菜批发市场，勒拉掰搿辰光假使屋里有一眼事体，【备注：通常情况下头“屋里有一眼事体”是指：每过一段辰光所有呃家庭成员聚集勒拉一道，喫饭、喝酒、聊天。勒拉掰搿辰光，无论是社会还是家庭，各种条件远覅如今早仔好，饭店啊少，一旦有家庭大聚会，多数情况都是呆了屋里厢，自家动手去做。】洋泾镇人宁肯到歇铺路乘宁歇线摆渡船过江，去杨浦区松潘路菜市场买卖小菜，啊不愿意去洋泾镇蔬菜批发市场，因为勒拉掰搿辰光，松潘路菜市场呃品种多、货源邪气齐全、选择余地交关大，笔者呃父亲啊带笔者去过好几趟哩！ 勒拉小辰光，笔者呃屋里厢是居住勒拉高桥镇上头呃，假使爷娘告诉笔者明朝仔吾伲带侬到上海去白相，当天夜到头眼扳数高兴兴奋地困不着觉噢，期盼天马上就亮起唻，好到上海去白相了，假使一年到头恁去六七趟已算是老幸福呃事体了！又假使交关辰光呒去了，自会得向爷娘央求道：“上海去伐，到上海去伐（不）？！”…… 图片发自简书App 图片发自简书App 【备注：①文章为作者原创；②各种上海市风景图片均来源于网络上；③感谢原创图片。】 图片发自简书App 图片发自简书App 杜老倌侠客居（陆伟）写于2013年12月21日星期六下午 |
|
|
