 3月10日 星期二 19-25度 天晴 雖然天文台都預告會好天的，但前一晚雨落唔停好擔心囉，結果第二朝起身個天靚到呀，又唔熱!!! 本來打算入軍營影下相先起步的，點知唔比入去 (之前2月有朋友入過去，又唔知係咪平日關係所以唔比入??!!) 只好係馬路旁邊影下算。今次條路線無乜景觀亦無標柱要攻，純粹真係行山，不過上山最高位置都有440米高，要去到尾段先有小小景觀，但勝在全程有樹蔭唔會曬!! 路線 : 雷公田 (石崗) ? 甲龍古道郊遊徑 ? 河背水塘 (大欖) ? 河背村公所 (約9公里/4.5小時慢行連影相休息)  前往交通 : 72/72M小巴，64K 或 51巴士。我地選擇在錦上路西鐵站坐72小巴前往 (約10分鐘車程)，如果想在軍營正門進入，轉入荃錦公路就要落車啦 !! 亦可總站落車入軍營，其實軍營都有好多個入口的，平日係唔可以進入，只係2-3月木棉花期先可以入去，今日軍營比較深嚴，可能因為係平日，上次我嚟係星期六佢地可能休息........zzzzz  散落在地下的木棉花依然好靚  荃錦公路倆旁的木棉樹   無得入去唯有行番去小巴總站起步  軍營門外有人看守 點擊圖片放大  小巴總站位置  11:30正式起步 遠望軍營內的木棉樹 甲龍古道郊遊徑起步點 條路好好行，雖然係一直往上但一點都唔覺辛苦，沿路無景觀!! |
|
|
