 
崇岭伴侬去远方——  作者：苏邦文 沪语改写：李海荣 离开雪乡穿越冰天雪地嗰亚雪公路，奔赴亚布力旅游度假区。途中我伲去了一处举办雪地娱乐活动嗰场所: 勒拉搿面我伲先坐马拉爬犁穿林海跨雪原。马拉爬犁是比较吸引小囡搭年轻女士嗰项目之一，坐勒拉马拉爬犁上，由马夫管理人员驾驶，勒拉山间森林嗰马车道浪穿行，让侬体验辣雪地上扬鞭疾驰搭大自然亲密接触嗰乐趣。听着马铃儿响叮当，望着满眼银白嗰世界，应该有一种轻松、释放嗰快乐。但是因为当天气温太低了,坐辣敞篷車里嗰各位手脚侪被冻僵了! 好在马拉爬犁头一站是去当地嗰一家看林人家大院，大家辣农舍里暖一下手脚，就拨东北大秧歌嗰乐声招唤到大院里，勒拉当地村民嗰领舞下，女团友们侪跟辣扭起秧歌来，勿一歇歇就投入热舞中，身浪嗰寒气老快就拨驱散了。要勿是要赶往下一站，也许伊拉勒拉搿搭会来一场舞林大赛。为了安全，所有嗰马拉爬犁侪是按照路线跑嗰。接着马拉爬犁拉我伲去了土匪窝、地窨子唠啥, 白相一下娱乐性嗰惊险。最后, 马拉爬犁拉我伲去了现代雪上娱乐活动嗰场地，搿面搭有輪胎滑雪，雪地摩托，雪地卡丁车。顾名思义，輪胎滑雪就是人坐辣一个类似轮胎嗰橡胶充气圈里，从雪道上滑下来。相比较滑雪，輪胎滑雪呒没啥个技术含量，但却一样嗰刺激好白相。相对于輪胎滑雪、雪地摩托搭卡丁车是超级刺激雪地游乐活动，还是比较值得体验一趟嗰，也可圆了部分团友想去偿试嗰梦! 侬看！团友驾驶各种颜色鲜艳外观好看嗰雪地摩托，辣冰天雪地中骑行，左拐右拐，想勿刺激都勿来讪。卡丁车也是一项具有魅力嗰运动，近年来时兴嗰户外休闲活动。能勒拉寻求速度感同时锻炼胆量，还能辣白相嗰过程中抛开烦恼搭勿开心，减轻压力、放松身体。看！辣封闭嗰雪地环境，团里嗰搿位专业驾驶员驾驭卡丁车就像辣开一部玩具车！游程结束，当夜我伲下榻亚布力旅游度假区。 亚布力旅游度假区是开展竞技滑雪搭旅游滑雪嗰最佳场地，曾于1996年成功举行了第三届亚冬会嗰全部雪上项目，搿搭还是中国企业家论坛年会嗰永久会址，拨誉为“中国的达沃斯。团里有十四位团友报名参加初级滑雪场体验天然雪场，伊拉当中绝大多数是头一次滑雪，想亲自体验惊险而刺激嗰贵族滑雪运动，多数团友请了私人教练，辣教练嗰带领下走向滑雪场。行程安排:滑雪3个钟头。到底有几位能坚持到最后？有人估计是有一半，约七至八位；也有人估计天冻地寒又是首秀，也许只有一二位佼佼者！最终结果大家试目以待。 阳光雪场位于黑龙江省哈尔滨市尚志市亚布力镇东南20公里，距哈尔滨市193公里，距雪乡88公里，是中国第一座符合国际标准嗰大型旅游滑雪场，拥有高、中、初级滑雪道十五条，越野滑雪道一条，总长度三十公里，旅游滑雪缆车三条，雪质松软，偕气适合初级滑雪者, 同时，设有雪具出租店搭滑雪学堂，山顶、山腰、山下设有多处酒吧、快餐店、购物中心、红十字救护站，以及国际国内长途电话搭卫星电视唠啥服务配套设施。偕气快！三个钟头到了, 想勿到期间居然呒没一个滑雪者打退堂鼓嗰， 看！教练员为伊拉拍摄嗰彔相片段：伊拉驰骋辣茫茫雪地上，勒拉教练嗰指导下，勒拉同伴嗰欢声笑语中，让身体自由飞翔，勒拉雪嗰世界里尽情释放自家快乐嗰心情，还学着专业滑雪者嗰姿态拍照留影，搿是几化惬意嗰一桩事体啊！也许三个钟头也勿夠伊拉尽兴嗰！让呒没参加滑雪嗰团友看了侪心动了。 回到休息室，回归嗰勇士们笑谈今朝嗰滑雪过程搭收获，看着手机里动感嗰照片搭视频，异口同声嗰讲,滑雪确实惊险而刺激！今朝白相得太值了!有人还讲明年想再来！
“言话”基本解释：说话，谈话。南朝宋·刘义庆《世说新语·赏誉》“天锡见其风神清令，言话如流。”宋·苏轼《归去来集字》诗之三“言话审无倦，心怀良独安。”此与今日上海话中“言话”的用法是一致的。 “闲话”基本解释：指闲谈；背后议论他人是非的话；不满意的话，有关私人的谣言、传闻、幕后消息等。见陆游《雪意》诗：“闲话更端茶灶熟。” 图：网络 | 编辑：渺渺
|
|
|
来自： 渺渺m69vnzsah9 > 《待分类》
