|
苏白学堂，做最优秀的苏州话教学与传承平台。 哀搭是“洋泾浜”栏目的第二期 微信弗是“威信”   现在么差不多人人侪有手机葛，有到手机么侪会得用微信葛。不过不少人啊，拿微信侪读成“威信”葛，搿么哀个就是洋泾浜哉。 倷要晓得 “微”搭“威”啊，两个字个意思推扳得（远浜）来：“微”么就是小得勿得了个小；那么“威”字用辣啥地方呢？威武、威严，领导么要有威信，搿个“威”字几化结棍得勒。奈讲两个字葛意思啊是差得 “悬空八只脚”辣海。 威信？  微信！ “微”搭“信”摆辣一道，“微信”个意思么就是蛮小个一种沟通联系手段。现在是嘦得两个人手机侪连辣网浪，那么倷一言我一语，好一脚讲下去葛。 俚搭老底子葛写信，后来么打电话，发短信等等一样，侪是一种通信工具。所以多少有点私密性个要求葛，勿好大张旗鼓葛。  那么“威信”个意思呢就不一样哉，一个人要树立威信，威风凛凛，扳要有气势骨，架子要搭好辣海，别人侪要颚起仔头朝上望，那么一个高大个形象就出现哉，辣大家门前就肯定有威信。所以搿是气场要亦大亦好。 伲苏州闲话里向个“微信”搭“威信”分的蛮清葛，意思差别大，读音也弗一样。弗像普通话，“微信”、“威信”，读起来分勿出葛，要放到句子里，甚至一定个背景当中再好分清爽。 既然苏州闲话分得清么，手机浪葛微信就读“微信”吧，勿再一直“威信”“威信”哉，那么听辣海真个洋泾浜葛呀，啊好？  文案 | 大海 排版|予安 |
|
|
