|
一淘欣赏吴语个「趣」（美丽）
来舟山群岛以前，我不相信星星看得见 作者/朗读：匡一龙 松府吴语文  来舟山群岛前头，我勿相信天浪天上点些行情行市许许多多个星星，欺做里原来地浪（lau6）点人好望得着个。 从小养生垃城市里，天浪点星星，我从来勿曾看见歇未曾见到过，甚至道仔以为，书浪话垃个，地浪个人望得着星星，侪是黄六骗人的个，虚假的。忒与星空搭界有关个点文学作品、老古闲话咾啥，我秃秃全都拿伊拉当成功童话看待。冒盖垃迭个世界顶浪向个，就是一墨黢黑漆黑一片个天空。日头咾月亮，像个就是伲迭个宇宙个全部啊哉。 哀歇那时我大概靠着十岁，有一日夜里，我勒垃朱家尖，舟山群岛里一个蛮大个岛。先头我还头支倒仔低着头，坐垃车子里打瞌充打瞌睡，冷陌生头忽然头鹤仰起，呀，迭生世里这辈子勿曾看见歇。我一吓头吓了一跳，我勿相信，震撼来形容勿出，过仔一歇眼睛睁来大透大透，人像个钻勒壗钻进去仔钻勿出来啊哉。我越个看，星空越个像个就要拿我吸得去啊哉。 外婆问我垃望啥。我话，迭恁点星星，我头一趟看见。伲外婆话我，养出世到难至今索盖索性，相当于“竟然”连得星星也勿曾看见歇vaeq？连得伲外婆阿奶也勿相信，有啥星星也勿曾看见歇个话咾。我问伊，星星何里日哪一天畔躲避，逃走脱个？伊话，小壗里小时候相信看星搬场流星现象个……星星几时畔脱个，伊也勿晓得。 啥叫啥什么叫曹操话垃个“星汉灿烂，若出其里”？啥叫啥李白话垃个“手可摘星辰”？啥叫啥“搬场星流星”？啥叫啥“跑马星流星”？啥叫啥“天河银河”？还有得牛郎忒织女“盈盈一水间，脉脉不得语”？伲迭个民族，欺做里想象力会得恁个丰富话咾。先头星空勿垃我个经验范畴当中，迭种恁个想象力，是我完全体会勿着个。 我总算看见仔老祖宗也看见过歇个夜空，看见仔天浪迭恁点星星，一粒粒个，名字我一样叫勿出，但是真真漂亮得极个。我晓得，哀点光是从远透远透很远很远个户荡地方射来垃个，是从古时壗里古时候射来垃个。   |
|
|
