|
上海老底子每天呈送精彩文章一组 打开尘封的记忆，寻觅往昔的岁月
叙上海老底子事 忆上海老底子人 诉上海老底子情 上海个“门牌号” 前文回读： （下） 作者：薛理勇 沪语改写：周红缨 诵读：李群 审阅、推荐：丁迪蒙 编辑：王乙其 租界对门牌号编制个改进 我寻勿到合适个历史地图，呒没办法说明最初门牌号编制个具体情况。勒1920年版个《上海商业名录》里可以发现，当时租界许多道路个门牌号勿是以双单号编码个，比方恒孚银楼个门牌号是“南京路八二号八三号”，一家叫做“九和”个银楼，地址是“吴淞路三四四号三四五号”，迭种现象到处侪是；当然，跳号个现象随处可见，比方一家叫做“永元昌”个五金店个地址是“美租界北四川路十五号十六号（仁智里口）”，另一家叫做“同春园”个徽菜馆个地址是“美租界北四川路一九七一号（崇明路口）”，“仁智里”是弄堂名称，就勒北四川路崇明路口，其中一个弄堂口正对崇明路，也就是讲，搿两家店铺勒同一个地方，而一个门牌号是15-16号，另一个是1971号，相差“十万八千里”。
近代以后，上海个房子一般以二三十年为一个周期，建了拆，拆了建，而门牌号是根据房子编订个，一幢房子一个门牌号，有辰光，一幢占地面积较大个房子，重建后变成了相连个几幢小房子，于是，门牌号勿够用，只好用加“ABCD”或“甲乙丙丁”解决，于是出现了“50号A”或者“50号甲”之类个门牌号，也有个编为“50号半”，同样，几幢小房子拆脱以后建设为一幢大房子，于是就出现了空号，比方早期外滩有33幢房子，也有1-33号门牌号，汇丰银行个门牌号是外滩12号，20世纪20年代，汇丰银行买下了相邻个10号和11号，重建成现在个大房子，汇丰银行仍旧使用“黄浦滩12号”，但是，外滩再也呒没10和11号了。 随着上海经济发展，门牌号变得越来越重要，而缺少规律、呒没秩序个门牌号搭市民生活和工作带来无尽个麻烦，同样，搭社会治安和经济发展带来极大个困惑，上海个门牌号之混乱到了非整治勿可个地步。1932年，上海个租界开始大规模个门牌号重新编制，历时两年，到1934年基本结束。
公共租界个苏州河以南个区域和法租界区域，均以外滩为起点，东西向个马路一律以靠近外滩一侧为小号，向西逐渐放大，比方靠近外滩个沙逊大厦为“南京路20号”，而远离外滩个大新公司是“南京路830号”；英租界和法租界基本浪以爱多亚路和福煦路（今延安东路和延安西路）为界线，两个租界均以靠近分界线一侧为小号，公共租界南北向马路以分界线处为小号，向北逐渐放大，法租界则相反，南北向马路也以分界线为小号，向南逐渐放大；而苏州河北岸个虹口美租界，大致浪以吴淞路或虹口港为界，以东个区域，东西向马路，以靠近吴淞路个一头为小号，向东逐渐放大，而以西个区域，以靠近吴淞路或虹口港为小号，向西逐渐放大。同时规定，门牌号分双单号，原则浪从小号向大号行走，右侧为双号，左侧为单号。我曾经做过粗略个统计，上海市中心区个门牌号，至少有85%遵循迭个规律，假使侬了解上海门牌号个基本规律，会搭侬人生活带来方便。 上海有交关弄堂，出口基本浪开勒勒马路浪。以前，弄堂称之为“里”“坊”等，但是，弄堂勿另外编号，比方“渔阳里”就是“霞飞路渔阳里”，搿趟门牌号调整，弄堂也作为门牌号编制，“渔阳里”可以写成“霞飞路567弄”或者“霞飞路567弄渔阳里”，弄堂里个房子另外编号。
勒弄堂总量勿是老多个情况下，弄堂作为地名使用，问题勿大，而当上海出现了数以千计个弄堂，弄堂作为地名使用，麻烦就大了，弄堂编号个优势，让侬能够较快个判定搿条弄堂个大致位置，方便寻找。我有勿少外国朋友，伊拉熟悉个外国城市呒没迭能个门牌号编制方式，并一致认为，勒上海寻找地址交关方便。 门牌号是城市通讯地址个终端，邪气重要。上海个门牌号编制邪气严格和规范，当然，哪能更加科学和规范个编制和管理门牌号，还有交关事体要做。
作者：薛理勇
诵读：李群 迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
丁迪蒙所撰写的，与沪语相关的著作主要有： 《学说上海话》上海科技文献出版社 《听听说说上海话》少年出版社 《实用沪语》复旦大学出版社 《上海话绕口令》少儿出版社 《上海方言词语使用手册》上海教育出版社 《上海话读成语故事》少儿出版社 《囡囡学童谣》，少儿出版社。
转自：“海上梦叠”公众号 |
|
|
