 题记：上海为啥是一座海纳百川个城市呢？！只因为伊勒拉1843年11月17日依据《南京条约》搭《五口通商章程》个规定开埠，是中国沿海城市顶早开埠个城市之一，与此同时也是中外文化相互碰撞、相互交流搭相互融合顶早个城市之一，伊个方言闲话也是有着邪气明显个特点搭特征。有些所谓个顶顶正宗个沪语方言闲话（土语）当中，还有覅少是属于外唻语言哩，迭些外唻语言还包含有外语及其他地区个方言闲话（土语），上海人所讲个方言闲话（土语）当中，勒外语语言种当中，主要还是以英语语词为主个，伊个方言闲话（土语）经过长期覅断个发展搭演变，从而就形成自成一体个特点搭特征…… 为此，也只为能更好个说明迭种情况，就先让吾唻列举迭个方面个例子。比方讲：只要吾伲侪是属于一个有心之人，只要用心个去寻找，就能发现迭能个一种情况，迭个就是－－每一个汉语词眼侪是会有伊个出处个，并覅是属于无本之木哦！勒普通话语当中，有两组词眼意思是一式势样个，像迭两组词眼分别就是“总共”搭“一共”。只拨过，勒沪语闲话运用当中，就会拨演变成为四组词眼，还拥有四种讲法个，伊拉个意思侪是表示“总共”搭“一共”，迭个四组词眼分别就是：“一塌刮子”，【备注：伊个读音为：yī tāguāzi】、“拢（攏）共”【备注：伊个读音为：lǒng gòng】、“夯不啷当”【伊个读音为：hangbulangdang】、“角落山姆”【伊个读音为：jiaoluoshanmu】。 吾是迭能样子唻、理解、认得并去认为个，每一个地域个方言文化搭方言土语，眼扳数是会拥有伊个唻源搭出处个，所以覅管是勒讲各种方言土语个辰光，还是去用中华文字拨伊书写出唻，运用搭书写一定要合理、恰当、规范搭正确哦，绝对覅可以含含糊糊马马虎虎大约摸一笔带过去就是好哦，侪是因为有一句老古闲话讲得交关好啊，侪是迭能唻讲到个：“差之毫厘失之千里！”哪怕就是仅仅相差一个字而已，伊个唻源搭意思，就会得完完全全变样、变忒、变得大推大扳，勿单单还会去产生并生成出另外个一种解释、讲法、歧义搭疑问，还会得让人丈二和尚摸不着头脑，是否是正确个写法与讲法啊？！  吾虽然讲是土生土长个上海人，工作也同样是勒上海，未曾离开过自家个家乡，【备注：外出旅游侪是覅好去算数个。】只拨过，勒血液里向还流淌着25％个宁波血统哦，只因为家母倪榴珍个血液里向流淌着50％个宁波血统，祖辈人是从宁波逃难到上海唻讨生活个，还因为外公倪根生就是一个滴滴刮刮个宁波人，伊勒生前对吾讲过迭能一句闲话，老家是宁波镇海地区个。所以就让吾晓得像方言“一塌刮子”迭个词眼就是一句“滴滴刮刮”“直骨挺硬”个宁波地区方言，侪是从宁波流传到上海迭座城市唻个，久而久之辰光一长长此以往下去，反而就演变成为一句沪语方言闲话，就连“滴滴刮刮”搭“直骨挺硬”迭两组词眼也同样是一句宁波方言，还因为就勒中华民国时期，由于是战争个原因，从而造成逃难到上海迭座城市个宁波人变得交关多，因此拨宁波闲话带到上海，讲得辰光一长，就变成为沪语闲话。 吾伲侪需要去晓得迭能一桩事体哦，迭个侪是－－勒中华民国时期个辰光，还勒浙江宁波地区是有三种类型个人哦，第一种是跑船出海个船夫；第尼种就是做各种大小生意个宁波老板；第三种就是宁波奉化地区裁缝师傅，伊拉拨叫做“红帮裁缝”，因为“奉”字个读音搭“红”字极其相近，到上海迭座城市以后，“奉帮裁缝”迭四个字，久而久之就演变成为“红帮裁缝”，顶正确叫法应为“奉帮裁缝”。 嘎么，吾为啥事体要去提及“奉帮裁缝”呢？！侪是因为勒中华民国时期个辰光，还勒上海迭座城市，“奉帮裁缝”侪是依靠精致搭精湛个手工缝纫技艺，加之伊拉又会去创新翻花头，紧跟着掰搿辰光世界流行趋势走，洋为中用中西合璧，赢得过南唻北往国人个好口碑。勒拉掰搿辰光，但凡是屋里向搛铜钿有一眼铜钿个人家，就会隔三差五个到“奉帮裁缝”店里向，去定做几件掰搿辰光交关时髦个衣裳，伊拉还邪气吃苦耐劳，碰着交关大个大客户，还会得上门去服务，就连某些外国人也是看中伊拉个技艺，也一样会去定做几件衣裳！  正因为是迭能样子个缘故，从而造就像“一塌刮子”迭个方言词眼，勿单单搭浙江宁波奉化地区个裁缝侪是有关系个，而且迭个词眼也是由迭些人发明出唻个，所以吾就要去提及“奉帮裁缝”哦！ “一塌刮子”唻源搭出处侪是迭能样子个，勒老底子，还勒“奉帮裁缝”个技艺当中，勒裁缝板浪总归是要有一小碟糨糊个。只因勒掰搿辰光做衣裳，领口搭袖口个褶皱处，事先侪需要用糨糊粘牢以后再好去缝针个。所谓个“刮子”就是涂抹糨糊用个“木片”，又拨称之为“刮浆刀”。“塌”就是指“涂抹”个意思，所以应该当作动词唻使用个。当碟子里向糨糊快要用尽个辰光，只能够去“一刮子”时，裁缝就会对徒弟哇啦哇啦叫喊道：“侬只小鬼，豪扫去调调糨糊，拨浆糊调调好啊，糨糊就快全部用光呒没喽，迭眼浆糊只够一塌刮子！” 还有就是，“一塌刮子”个“塌”字还可以写成“搨”字，若是写成“搨”字，也是对个呒没错个，侪是表明裁缝师傅做个动作。  除忒宁波人欢喜去讲“一塌刮子”迭句方言闲话之外，宁波人还欢喜去讲“拢（攏）共”，“拢（攏）共”同样是指“总共”搭“一共”。比方讲，辣末生头屋里向唻七八个客人，屋里只剩两块点心桃酥饼，宁波人就会开口去讲：“一拢（攏）共就嘎么个两块点心桃酥饼，唻仔七八个人客，侬叫吾咋拢拢唻，侬叫吾咋办办唻啊！” 上段沪语方言个意思就是勒讲：勒辣末生头，家里唻了七八个客人，在屋里向也只有两块点心桃酥饼，真覅晓得哪能办是好啊！ 还有个就是，光列举上述例子还是覅够个，吾继续去举例说明情况。现代京剧《沙家浜》，第四场智斗当中，胡传魁就开口唱道：“想当初老子的队伍才开张，拢共才有十几个人，七八条枪。”……  吾查阅到个各种历史资料以后，就显示出像“拢（攏）共”迭个词眼，既勿单单是属于江浙沪一带区域里向个人会去使用个，也覅是属于江浙沪一带区域里向个人独有个一项专利哦，就连吾伲国家陕西洛阳地区个人，也同样会去使用迭个词眼个，迭个词眼勒洛阳方言闲话当中，“拢（攏）共”个意思就是勒讲：“统共共满同满”，洛阳人常庄性侪会讲讲迭能个一句闲话个，讲道：“拢共才有几个人啊，能干下来吗？！”勒福建地区所使用个方言侪是闽南语方言闲话，勒江西地区所使用个方言侪是赣语方言闲话，勒拉迭个两块地方个人，像迭些地区个人同样也会去使用“拢（攏）共”迭个词眼哦…… “夯不啷当”迭四个字顶早就出自清朝末期作家张春帆之手，是伊率先使用个。伊个别名为：名炎，又别署漱六山房，出生于清代末期，具体年月搭日期则不详，出生地就勒：江苏常州，卒于1935年。著作有《九尾龟》《宦海》《黑狱》《新果报录》等长篇小说。其中个一篇著作《九尾鱼》还拨文学家、思想家胡适称之为“嫖界指南”。 张春帆勒小说《九尾鱼》第六十四回中就讲道：“倪当仔耐啥格事体实梗格发极，一塌刮子少仔几百洋钱，也用勿着实梗样式啘。”  中国现代著名作家、文学评论家沈彦冰，笔名为“茅盾”，著有小说《多角关系》一书，伊勒《多角关系》五当中写下过迭能一段文字，讲道：“尽管你昨天朝人家磕头跪拜求过，－－拉过交情，得过好处，今天轮到人来求你了，就要把昨天的事情忘记得一塌刮子精光！” 像“角落山姆”当中个“山姆”两个字，既覅是指外国人个名字，也覅是指叔叔一类个长辈，而是指从各地唻到上海个国人，只为搭世界接轨去学习一眼洋派，从而就能彰显自家有腔调懂得交关多，加之英语是世界通用语言，还为能便于搭外国人交流，就去学习覅少洋泾浜英语，只要是大致意思对，外国人能够听得懂就行。勒中华民国时期“角落山姆”迭四个字，只拨过勒“英租界”“法租界”搭“公共租界”慢慢较开始流行起唻个，后首唻就拨推而广之，只要是上海人都会去讲讲，就连角角落落里向个人，辰光一长也晓得迭句闲话。 勒掰搿辰光，迭些人是采用啥个办法呢？！就是先根据英语语音个读法，勒大多数情况下头，去寻找、采用各个地方方言土语读音搭英语相近个词语组合而成个，勒掰搿辰光是属于一种新式读法，覅大正宗有一眼洋泾浜。“角落山姆”一词就是唻源于英语“whole sum”个音译。英语单词“whole”翻译成为中文，伊所要指个意思就是讲“整个”搭“全部”；英语单词“sum”翻译成为中文，伊个中文意思就是讲“加起唻算”个意思，像迭两个词语拼起唻，就是指“总共”。  除忒吾上述所讲个内容，像“统共”“共总”“拢总”“统统勒海”“一道勒浪”“一共”“一总”“一共拢总”同样也是个。 【备注：①：文章为作者原创；②；各种沪语方言文字侪是唻源于网络上头；③：万分感谢原创图片。】 杜老倌侠客居（陆伟）写于2019年07月24日礼拜三夜里向 |
|
|
