|
苏州谚语大全 1987年根据《中国民间文学三套集成统编纂总方案》要求，编成《苏州民间故事》、《苏州歌谣》、《苏州谚语》三套集成，分两册出版。任务下达到各个街道文化站，竟要求三个月上交稿子，简直又是文化大跃进。文化站再动员辖区。我也向所在街道提交了一百多条谚语。因为各文化站好大喜功，收集进来有口号的，有胡编乱造的，编者又不加甄别，1989年书出版了，结果不伦不类的极多。我举个例，《谚语卷》第一条是“鱼离水不能生活，人离祖国不快活。”最后一条是“勿深勿浅下钩，钓鱼顶顶好。”这算什么谚语啊？1995年编《苏州市志》的谚语部分是从这书中挑选了一小部分。 然后我却并没因此止步，继续不断收集，但也有不少和普通话中相互通用的，现在把这些再剔除，另外农事和气象方面的谚语太多了，曾有一本《农谚》，所以不再收集。这《谚语大全》当然并不会出版。文中前半部分从《苏州歌谣谚语》一书中筛选的（用红色字表示），后半部分是我独立补充的（用绿色字表示）。 看见大庙得得拜，看见小庙踢一脚 火到猪头烂，钱到百事办 有钿不消昼夜办 花花轿子人抬人，铜钿银子人骗人 有钿吃一夜，呒钿冻一夜（指过冬至夜） 贪嘴勿留穷性命 想发财，穷得快 六月债，还得快 有借有还，再借勿难 冷嘞风里，穷嘞债里 虱多勿痒，债多勿愁 一分行情一分货 好货勿便宜，便宜呒好货 苏州人杀半价 有理呒理，出嘞众人嘴里 会捉老虫猫勿叫 锣鼓勿敲勿响，蜡烛勿点勿亮 讨媳妇看爷娘，借铜钿看抵挡 坐得正，立得稳，勿怕和尚尼姑合（音ge）板凳 家眼勿见野眼见 鸭吃砻糠鸡吃谷，各人头上一爿福 勿怕凶，只怕穷 戆人自有戆福 火着好看，难为人家 人有良心狗勿吃屎 人比人，气煞人 吃素碰着月大 强到底，苦到死 瞎猫拖仔死老虫 好记性勿及烂笔头 绣花枕头一包草 满饭好吃，满话难说 勿要气，只要记 吃一转亏，学一转乖 小洞勿补，大洞吃苦 荒年饿勿煞手艺人 生仔你（音奈）个人，勿生你个胆 七石缸，门里大 癞痢头儿子自家的好 心急吃勿得热粥 男轧男淘，女轧女淘，老卜勿轧菜淘 送佛送到西天，送客送到江边 叫人勿蚀本，舌头上打个滚 救仔田鸡饿煞蛇 假客气，碰着真老实 新箍马桶三日香 猪头肉，三勿精 吃啥饭，当啥心，敲啥木鱼念啥经 歪嘴和尚念勿出好经 千穿万穿，马屁勿穿 有嘴说别人，呒嘴说自身 勿听老人言，吃苦在眼前 枪毙带豁耳朵 一句话使人笑，一句话使人跳 冷粥冷饭好吃，冷静言冷语难听 吃尽天边盐好，走尽天边娘好 秧好稻好，娘好囡好 丈姆娘看女婿，越看越有趣 丈人看女婿，越看越戳气。 筷ng头上出稗（败）子，棒柱下头出孝子 伲子勿养爷，孙子啃阿爹 外甥勿出舅家门 六十六，烧火勿发禄 一人一碗，打翻勿管 乌龟头上七个字，只吃别人勿吃自 出门要带三九衣 吃得光，勿生疮 男人吃饭龙取水，女人吃饭数珍珠 牙痛勿是病，痛煞呒人问 一夜勿困，十夜勿醒 县官勿及现官 勿是冤家勿聚头 只认衣衫勿认人，嫡亲娘舅陌路人 生意钿六十年，种田钿万万年 立仔放债，跪仔讨债 灯草做勿得拄拐 勿识相，要吃辣火酱 有福之人人服侍，呒福之人服侍人 好人勿听狗唆 鸡搭百脚（蜈蚣），冤家结煞 出仔油火钿，坐嘞暗头里 买仔炮仗拨别人放 小辰光偷针，大起来偷金 斧头吃凿子，凿子吃木头 勿懂装懂，永世饭桶 天好只顾酒肉饭，落雨呒不钉鞋伞 贪仔一红，烂脱不同 七搭八搭，蒲鞋着袜 爷勿像，娘勿像，像个隔壁张木匠 托人托仔个皇伯伯 做一样生活，换一副骨头 做一行，怨一行，到老勿在行 一客勿烦二主 锣鼓在敲嘞点上，闲话要说嘞心上 马夹呒没罩袖，说话呒不饶头 答应得噢噢应应，忘记得干干净净 天上老鹰大，地上娘舅大 少吃多滋味，多吃坏肚皮 咬脱奶奶头，日脚在后头 骗煞人，勿偿命 佛这样（音实梗）敬，贼这样防 害乡邻吃薄粥 打碎水缸洇过去 冬瓜缠嘞茄门里 笃笃转，聚聚转 太湖里勿死，死嘞泱沟里 摊得开，卷得拢 头颈截细，独想嘬祭 萝（读音老）卜勿当青菜 老鬼勿脱手，脱手勿老鬼 烂木头氽嘞一浜里 临时上轿穿耳朵 猪头肉，三勿精 嘴里滴嗒，腰里悉煞（指嘴馋无钱） 装煞鹅头鸭颈颈 千拣万拣，拣着个猪头瞎眼 七颠八倒，廿五送灶 死蛇摒，癞团劲 三刀戳（音蜀）勿热，四刀勿出血 三对头，六对面 三百日浪荡，六十日赶忙 身上软披披，屋里呒不夜饭米 湿手揽仔干面饽 说着风，就扯篷 十得咕，廿四咕 拉到篮里就是菜 救仔田鸡饿煞蛇 桥归桥，路归路 捏牢ga门(关节要害)勿用刀 日勿作，夜摸索 日图三顿，夜图一忽 香火赶出仔和尚 该仔和尚骂贼秃 搁落取，一淘死 哭阿呒不眼泪 鬼也要哭到奈坟上 人说闲话狗插嘴 眼睛一只，望到平望八坼 眼泪簌落落，两头掉勿落 鞋子勿着落个样 挨（音a）上门，自掇凳 挨（音a）着勿如轮着 一丈水退脱仔八尺 一个螺丝顶一只壳 皇帝勿差饿兵 拾着仔象牙筷，配穷仔人家 瓦爿也有翻身日 年轻苦，勿是苦；老来苦，真正苦 说嘴郎中呒好药 心急吃勿得热粥 船到桥，直瞄瞄 老大多，打翻船 人老筋出，树老根出 一只碗勿响，两只碗叮当 瓶口扎得没，人口扎勿没 少时勿勤俭，老来困阶沿 牙痛勿是病，痛煞呒人问 热天头三顿粥，郎中先生对俚哭（不生病，无生意） 庙里烧香讲媳妇，田里拔秧讲阿婆 揩台要揩四角，扫地要扫壁角 揽个虱，头上搔搔 托牢仔下巴再讲 蚂蟥叮螺丝 趁势踏沉船 有理打太公 眼大勿带光 门门勿落空 胆大勿放心 袋袋碰着布 脱落面颊骨 老皮浓滚疮 两好合（音葛）一好 Qiu（坏）戏多锣鼓 拎错称纽绳 趁水踏沉船 青肚皮猢狲 猢狲扒肚肠 猢狲拾（音厄）着块姜 人心隔肚皮 小鸡大仔娘 赤脚地皮光 七梗八十调 拾着下巴涎 气过仔河界 捏鼻头做梦 热气换冷气 关亡讨口气 抠心挖肚肠 牙齿磨磨尖 牙齿作作齐 眼乌珠地牌色 硬装斧头柄 握屎厾烂泥 一个屁弹着 一烙铁烫平 坟上新官人 野鸡 bu（躲）个头 拼死吃河豚 gai（靠）米囤饿煞 贪多嚼勿烂 莳秧轧嘞忙档里 聪明面孔笨肚肠 抱嘞手里怕冷，含嘞嘴里怕烊，吞嘞肚里怕鲠 白乘仔航船，还要嫌比杉木气 乡下大姑娘，有吃呒看相 匠人屋里折（音chi）脚凳 叫化子勿留隔夜食 荷叶包勿住沙角菱 船头上相骂，船艄上搭话（“上”读音“浪”，下同） 猢狲勿该宝 窜条鱼钓白鱼 金窝银窝，勿及屋里狗窝 栲栳大个水花，捞起来只糠虾 风作雨来，人作祸来 吃食瞒食，狗也勿及 懒出虫来，馋出精来 惹要俏，冻得哇哇叫 越睏越懒，越吃越馋 鼻涕说鼻涕，自家搭搭滴 身上挂灯结彩，肚皮里红木紫檀（即使穷，仍讲究吃） 水牛角、黄牛角、各归各 吃么天神天将，做么道士行香 吃么饭浪头，做生活嫩骨头 吃仔碗里，望仔镬里 猪睏长肉，人睏败屋 黄梅勿落青梅落 穷穷穷，屋里还有三担铜 阎王好见，小鬼难缠 歪对歪，溜对溜，破畚箕对厄条帚 吃死人勿吐骨头 强盗囡 ng 贼外甥 外甥是只狗，吃仔朝外走 裁缝勿落布，屋里死家婆 冷么冷懒汉，输么输急汉 嘴里说出糖来，腰里拔出刀来 鬼火道士夜来忙 上庙勿见土地 穷上加岌，雪上加霜 儿子勿养，担搁老娘 俏皮眼做拨瞎子看 穷灶前，富水缸 十指头勿揽水 借伞勿用谢，撑开吹一夜 到啥山，捉啥柴 做天难做四月天，做人难做中年间 左耳朵进，右耳朵出 引囝勿如引狗 热豆腐烫煞养媳妇 只晓得吃，勿晓得屁股出 宁愿做鸟，不愿做小（小指小老婆） 黄毛丫头十八变，临时上轿还要变三变 家主婆人家ge好，儿子自家ge 好 吃别人吃出汗来，吃自家忍出汗来 算盘珠，拨一拨，动一动 蜡烛勿点勿亮，算盘勿拨勿响 一钿逼煞英雄汉 氽脱仔木排捞门闩 鸭肫难剥，人心难托 牙齿搭舌头也要打相打 狗头上抓抓，猫头上拉拉 羊肉朆吃着，惹仔一身羊骚气 烧香望和尚，一事两便当 好记性勿及烂笔头 讨仔三年饭，做官也呒心路 得罪仔路头菩萨一世穷 见仔大庙得得拜，见仔小庙踢一脚 曳勒长里，扯勒短里 麻雀虽小，五脏俱全 三年勿接客，一接接着个歪喇叭 铜钿用嘞刀口上 看人挑担勿吃力 嘴唇两爿皮，翻来覆去全是理 看他勿象样，倒个是雕花匠 吃力勿赚钿，赚钱不吃力 白脚花狸猫，吃仔朝外跑 爷有娘有，勿及自有 贪嘴勿留穷性命 一个唱红面，一个唱白面 孵生勿如孵熟 隔镬子饭香 勿出铜钿看白戏 莳秧看上档 死桃树开花 买卖野人头 柿子拣软个捏 头头勿了，账账勿清 勿识相要吃辣火酱 热心人招揽事非多 千日难得虎瞌充 席上滚到地上,地上滚到席上 长洲勿让吴县,吴县勿让长洲 三拳头打勿出个闷屁 吃饱差勿动，坐定打瞌充 要么楼上楼，要么楼下搬砖头 甜欢喜，咸中意 吃饭勿晓得饥饱，睏觉勿晓得颠倒 爷来爷好，娘来娘好 矮子里拔长子 蒲鞋出须须（音su）一场呒结果 桃子拣熟格吃，人拣软格欺 蜻蜓尾巴自吃自 麻雀肚里一包气 假客气碰着真老实 只顾羊卵子，勿顾羊性命 来得早，勿如来得巧 要讨好，饶勿焦 贪qiang（便宜）买猪婆肉 热面孔贴着冷屁股 头新鲜，尾巴厌 左手勿相信右手 托人托仔个王伯伯 苏州人，一窝蜂 一个铜板看得搭洋钿大 金鱼缸里来仔黑鱼精 顺风旗勿要扯得太足 运来推勿开，倒霉一起来 一拳来，一脚去 小牵转，大勿算 三年读本老《大学》 夹忙头里膀牵筋 落水鬼骗上岸 虾有虾路，蟹有蟹路 戳牛 bi不看天时 老鸦戳 bi大排场 咒人咒勿刹，自己活跳刹 脚踏西瓜皮，滑到哪（音lu）里是哪里 矮子肚里疙瘩多 叫化子嫌勿落讨饭 皇帝也有三门草鞋亲 陌生人吊孝，死人肚里得知 两个肩胛扛个头 合（音ge）本合出血来 花头经，十八出 一个屁弹着 十句九厾落，一句勿着落 一滴水掉（音de）嘞油瓶里 一洗帚豁煞十八只蟑螂 宰相肚里好撑船 铜钿眼里跹（翻）跟斗 螺丝壳里做道场 绵纱线扳到石牌坊 象牙筷上扳雀丝 冷镬子爆出热栗子 眼睛一眨，老孵鸡变鸭 造屋请仔箍桶匠 吃死人勿吐骨头 一跤跌到青云里 拿了麦柴当令箭 骨头呒不四两重 小狗对屎坑罚咒 吃得落三担干狗屎 好人呒不肚皮眼 掰哈欠，割舌头 摸奶奶戳zhang（刺） 千年文书好合药（合读作ge） 良心拨嘞狗吃脱哉 探脱帽子，呒不脑子 人搀仔勿走，鬼搀仔咚咚跑 吃仔生人脑子，勿怕血腥气 鬼迷张天师，有法呒处施 睏梦头里也笑豁仔嘴 霉头触到印度国 三拳头打勿出个闷屁 十八个画师画勿像 松鹤楼面前摆粥摊 吃得邋遢，做个菩萨 一卵勿卵，先买笋干 一事无成，先掸檐尘 额骨头碰着天花板 请神容易送神难 膀这样（音实梗）长，盯牢仔娘；搭娘一样长，眼白洋洋对仔娘。 囡(ng)哭(指哭丧），摧心裂肺；儿子哭，黄牛叹气；女婿哭，珍珠落地；媳妇哭，bi声 diao 气。 懒人串长线 不识相，要吃辣虎酱 三岁注老，到老一半 眼睛像霍显（闪电），筷 ng 像雨点 千年难得虎瞌充 胡搞百叶结 贪嘴勿留穷性命 新剃白白头，勿敲三记勿失头 砻糠搓绳起头难 |
|
|
