六月里落雨是黄梅天
踏脚踏车出去记牢带雨披
到老虎灶去泡瓶水拖只热水瓶
袋袋里藏了两角洋钿，还要一直摸摸伊。
▌2013年10月，上海市区最后一个“老虎灶”关闭
十月一号男女同学看灯去
人人拿仔只塑料榔头敲来敲去
想吃大闸蟹就要等到秋风起
切好生姜拌好醋，用蟹脚蘸蘸伊
▌听老人讲，老早个上海小囡只能啃啃蟹脚个
玉佛寺烧头香一定是大年夜夜里，
搓搓通宵麻将迎来新年第一天
小朋友们约好到楼下头放炮仗去
心里想今年伐晓得好拿多少压岁钿。
▌小辰光个压岁钿一般都要交给父母保管，给100元的绝对是大户了。
一到春天就悉悉索索落毛毛雨
谈朋友没地方，只好去外滩避一避
情人墙一对对也是道好风景
最吓拿只手电筒晃伐晃伐个联防队员
▌外滩“情人墙”是这个城市最浪漫的记忆
到大光明电影院去孵冷气
带好毛巾毯，防止打喷嚏
一跑出来就看到对面个肯德基
帮大人讲我不吃只想进去小个便
▌去大光明电影院，那里承载了几代人美好的观影记忆。
每趟我走过红房子西餐厅
馋唾水总归是落了嗒嗒滴
我晓得就算我考着了第一名
爸爸妈妈也勿舍得带我去
▌小辰光勒红房子吃西餐是老“高级”个事体。
72家房客住勒一幢房子里
夜里听到怪声音是亭子间小夫妻
我顶要好个朋友爷娘勿勒伊身边
伊讲伊是啥额“知青子女”
▌亭子间，一般只有6，7平方米，位于灶披间之上、晒台之下，过去上海人住房紧张，亭子间也要充分利用。
隔壁头老张买了台14寸电视机
搞不懂电视机前头为啥要摆只放大镜
屏幕高头有雪花，就拿天线转转伊
要是图像呒没了只好拿电视机敲两记
▌14寸金星电视机！儿时的经典记忆！
各就是阿拉额上海童年
天天侪介有劲
或许阿拉小辰光勒海人民广场见过面
美影厂额动画片感动了多少小宁
等西岳奇童下集等了几十年
再大点就盯牢排球女将还有西游记
一个暑假下来，只好去配眼镜
▌不少当年的“沉香迷”、“小鹿纯子”迷们现在已为人父母。
最欢喜听姚慕双周柏春个滑稽戏
姚慕双就住了阿拉弄堂里
帮我从小剃头剃到大个是个江北人
一边夸我头大聪明，一边骂“妈辣个*”
▌两位滑稽大师留给我们太多的欢乐……
大清早去读书轧了公交车里
小姑娘要当心，有人会摸来摸去
后来总算盼到了地铁一号线
到今朝已经被冲脱了十七八只新手机
▌1993年5月28日，上海有了第一条地铁。
中学到中图门口去买轧片
我再晓得搞摇滚额侪是一帮“神经病”
最老栾就是男同学们一道吃香烟
大家凑钞票买包大前门，嗦嗦伊
▌小辰光听过个磁带，打口碟……侬还有伐？
各就是阿拉额上海童年
天天侪介有劲
或许阿拉小辰光勒海西郊公园见过面
辣我印象里，妈妈一直辣该织绒线
要么就是我陪妈妈拆绒线让伊开心
伊讲埃个辰光买一台子菜用不着一块洋钿
现在大概只好嚼半根盐水棒冰
▌盐水棒冰、三色杯、娃娃雪糕、冰砖，阿拉夏天最欢喜吃个冷饮。
四大金刚当早饭永远吃不厌
粢饭配油条，咸浆里多摆点虾皮
要是屋里厢有亲眷到上海住两天
总要带伊拉去吃吃喷喷香个小笼生煎
▌搿就是阿拉上海人最欢喜个早饭
上海哪能就让人介欢喜
从静安到杨浦还有浦东新区
有辰光稍许让人觉得有点惹气
但是就算蹲一辈子也不会觉着厌
▌现在个日脚是过了再也没老早介有劲
▌挺下来个就是阿拉这些长不大的上海小宁！
---侬好上海
