|
最近，崇明人的朋友圈里都在转这组图！
吾俚崇明闺女&崇明儿媳妇董卿嘛！见了亲戚聊天、合影、敬敬酒，闲来无事抱抱萌娃，董卿一定是抽空回崇明跑亲眷、吃桌头咯。再看看这桌菜，绝对是吾俚崇明各类家庭聚会标配——
借着董卿的照片，我们来学习一点崇明民俗小知识吧。
暂且假设她吃的是喜酒。要说崇明人吃的喜酒，那可是大有讲究的。
早先，崇明人吃喜酒吃的是“十碗头”。何叫十碗头？就是10只小菜，6只冷盆加4只热菜。
冷盆第一盆是酱烩蛋。一只蛋横里对斩，4个半只合扑勒盆子底里，上面合扑拉叠半只，看上去成梅花形，蛮有艺术性个。
第二盆是猪肝。猪肝煠熟子斩成片，一片一片厚薄差勿多，摆勒齐齐崭崭，吃的时候可以沾沾酱油，口味比较清淡的也可以直接吃。
第三盆是白斩鸡。鸡是自家养，真碰硬个家户鸡，还是散养个勒。斩成狭长龙龙一块一块装勒盆子里，白里透黄，油亮照照，卖相十足，吃勒嘴里又鲜又嫩，打巴掌勿放。
第四盆是炒肉瓜。革只菜是崇明个传统名菜，肉是真肉丝，瓜是酱瓜丝。酱瓜是自家热子酱腌出来个，味道就是勿一样。炒肉瓜吃勒嘴里肉丝鲜香，酱瓜脆嫩，咸里带点甜。
第五盆是白斩肉。猪肉先暴腌，就是鲜肉稍微腌一腌，煠子斩片，味道像鲜肉又像咸肉。虽算夹真夹肥，但不过勿感到油脂腻腻，鲜笃笃嫩朵朵就是崭。
第六盆是海蜇。海蜇头或海蜇皮子斩丝，清清淡淡、口感爽脆。
热菜第一碗是鱼。红烧白鱼，用白鱼是有话头个，寓意清白人家，做人清白。
第二碗是红烧肉。叫名一碗，实际浪上面是肉块，下面是黄芽菜或者青菜，一共8块，8个人一桌一人一块，呒得多也呒得少。
第三碗是肉包子。油豆腐嵌个，也有豆腐叶或者黄芽菜叶卷个，一人一只一共8只，孩放勒碗面浪，碗底里是莳菇或者笋干。
第四碗是鸡头鸡脚烧黄芽菜，也有个黄芽菜肉丝线粉汤，放鸡汁个，筷筷鲜。
还有个规矩，十碗头里两只菜是勿好吃脱个。一只是鱼，还一只是蛋，上子年纪个人差勿多孩晓得个。
如今生活条件好了，吃喜酒远不止“十碗头”，海鲜河鲜、鸡鸭鱼肉、新鲜蔬果样样有。冷菜、热菜堆成小山，只只菜味道都棒棒哒~ 题图来源：央视网 内文图：上海崇明图片编辑：徐佳敏 文/上海崇明
|
|
|
