 哪能理解中医中提到个气，今朝阿拉一道来了解一下。 先来了解三个问题：1、哪能感受身体中个气；2、气和血是哪能转换个；3、哪能保养自家个气血。 关于第一个问题，哪能感受身体中个气。阿拉交关人侪有迭能样子个感觉，拨橡皮筋勒牢侬个手指末头，过一歇歇，侬个手指末头就变白了，而当突然松开橡皮筋辰光，侬个手指末头马上会有过血个感觉，而迭排里感觉就是气。 侬用一只手抓牢另一只手个手腕，一定要抓紧。当过了一分钟左右个辰光，侬会看到拨抓牢个手腕手掌逐渐从红色变成白色，而当侬突然松开个辰光，侬会感觉有一股热流一直冲到了手指尖，同时手掌阿会从白色变成红色，迭排里现象就称为过血，说明侬个经络是通个。 如果侬身体比较好，侬想体会气个感觉，其实阿比较便当。方法：两只脚分开跟肩胛同宽，两手臂侧平举，先向左侧弯曲，然后再向右侧弯曲，交替做飞行动作，同时意念随动作集中到下垂一侧，体会过血个感觉，迭排里感觉阿叫气感。 老多人侪呒没迭排里气感，但是如果侬反复练习就会有。如果侬呒没练习就有，说明侬身体邪气健康，经络畅通，能拨气运行到侬意念所想地方，反之，说明侬经络勿通。练习气功个人，实际上阿是一种主观个通经络，主观调动气个过程。如果是被动个通经络，可以通过刮痧、拔火罐、按摩等去解决。 了解了第一个问题后，下头来了解第二个问题，气和血是哪能转换个。 当侬明白了啥个是气感以后，侬就会问，搿勿是血液辣辣体内流动个感觉？啥地方来个气？呒没错，气和血，实际上就是一种物质个两种表现形式。阿拉所要理解个是：血足了气就容易生出来，气足了血容易流动。血和气个关系，实际上就是一个阴阳个关系，阿是中医思想个精髓。侬辣辣考虑任何问题个辰光，侪要从阴阳入手，迭能样子，几乎呒没侬看勿明白个事物了。 大家侪晓得，气和水变化个过程，取决于温度。气和血个变化过程阿有眼类似。中医学认为，气为阳，血为阴。是啥个力量拨阿拉身体里个血变成了气，变成了让阿拉觉得可以有力量个气，靠个就是空气，靠个就是食物，靠个就是阳光，而搿眼物事侪是阳，阿拉身体吸进去搿眼阳，就相当于阿拉辣辣拨水加热，加到一定程度，就会变成阿拉身体里向个气了，才会使阿拉变得血气方刚。反之，哪能让气变为血？到了夜里向，阿拉侪要困觉，就勿能再拼命工作，勿能夜哗哗白相和落夜，否则，阿拉身体永远会像炉子一样烧辣辣，耗损阿拉身体里向个气，久而久之，水壶里向个水会拨烧干，而阿拉身体里向个血阿会耗尽，身体再阿呒没血可以变成气了，从而人阿翘辩子了。 <庄子让王>中讲道：日出而作，日入而息，逍遥于天地之间而心意自得。啥个意思呢？伊讲拨阿拉听一个道理，人要辣辣太阳升起来辰光工作，而辣辣太阳落山辰光要休息。为啥要迭能样子呢？因为人是大自然个产物，人要顺其自然才能老好个生存。日里向阳气足，人辣辣迭个辰光工作，是借助自然界阳气个力量而使阿拉个血可以气化，从而变得有力气；而夜里向阴气足，迭个辰光阿拉要休息，可以借助自然界个力量来收敛阿拉个阳气，然后让伊变为血，回归到阿拉个身体，搿叫借力使力。 而阿拉有眼朋友，欢喜跟自家身体开玩笑，欢喜跟大自然对着干，日里向该升发阳气个辰光，伊拉勿升发，情愿困觉；而到了夜里向，该收敛阳气养血个辰光，伊拉偏要来升发，迭能样子跟大自然运行规律相违背，无论是升发和收敛侪硬拿自家个身体用力，搿勿叫借力，而叫使戆力，侬想想看，侬身体个气血能扛多少辰光？ 上头阿拉了解了两个问题，下头再来了解第三个问题，哪能保养自家个气血。 前头，阿拉了解了气和血是一种物质个两种表现形式，搿头讲个一种物质又是啥呢？实际上就是来自于爷娘遗传个伊眼物事，迭个物事，就相当于一个浓缩个燃料棒，阿就是阿拉生命里个原火(真阳)，借助于外来个阳光、食物、空气、水，勿停地燃烧和分解，使阿拉个生命变得持续而有活力。 原火个大小、多少、品质，侬是无法改变个，但是保护好搿原火，使用好搿原火，侬是可以做到个。哪能做到呢？其实就是要学会天人合一，学会做到人跟自然和谐统一。 人老底子是动物，演变成人。动物应该生活辣辣草原上，生活辣辣森林中，生活辣辣高山上，呼吸着新鲜空气，沐浴着灿烂个阳光，畅饮着清澈个泉水，吸收着大自然带拨阿拉个一切有益物事，从而让阿拉生命之火跟自然同步。但是，现代人已勿一样了，因为阳光是免费个，空气是免费个，甚至有眼地方水阿是免费个，正因为如此，阿拉老多人并勿能老好利用搿免费资源，像动物一样个生活，反而整天孵辣辣空调个房间里，吸负氧离子，吹着空调，喝着加工后个饮料。等到一天一病勿起辰光，还要再去吸氧气，吃大量个化学毒药。呒没错，勿会珍惜个人，白来搿世上了。 要想生命之火长久，保护自家个元气勿受伤害，合理使用自家个原火显得邪气重要。总之，做到日出而作，日落而息，从而达到天人合一个最高境界，才是养生之道个根本。 |
|
|
