舌头绕圈益五脏

侬觉得面孔上头啥个器官比较重要？鼻头，眼睛？阿拉偏偏讲是舌头，迭个可勿是由于人人欢喜吃物事而讲迭个。因为舌尖对应是心脏，舌根对应是脾胃，舌头做“锻炼”，能够养五脏、保脾胃。

舌头要哪能做锻炼呢？

看下头迭个动作

舌尖轻轻抵牢上颚，用舌头绕圈。做迭个动作辰光会勿断分泌唾液，慢慢咽下去就可以了。每天坚持10分钟。

侬晓得有啥功效？看下头：

强五脏，健脾保胃

阿拉侪晓得，舌头是五脏反应区，常做绕圈动作，勿仅能够使舌头更加灵活，还能间接“锻炼”五脏，五脏运动了，身体才能健康。

治口腔溃疡、呕吐肚皮痛

口腔里厢有两个常人勿晓得个穴位，就是金津穴和玉液穴。迭两个穴位功效就是止呕、治重舌肿胀、口腔溃疡。做绕圈动作辰光，还能生津，解决糖尿病人嘴巴干症状。

防止面部神经、肌肉老化

迭眼解释就清爽了，舌头能够带动面部肌肉运动，保持面部皮肤弹性，抗衰老，保年轻。
所以，欢喜养生个朋友，勿妨经常绕绕舌头，对健康邪气有帮助。