|
黐线 粤语闹人傻傻哋，精神唔系太正常嘅，通常都会话佢“黐线”。黐线究竟黐嘅系乜嘢线呢？ 首先要讲明，好多人以为“黐线”系白痴嘅痴，其实系粘在一起的黐。所谓黐线，本意系电路一旦两条线黐埋一齐，就会发生短路。后嚟引申到人嘅神经系统，觉得一个人精神唔正常或者傻傻哋，系因为神经系统某两条神经黐埋一齐，造成了思维混乱。 除此之外，关于黐线仲有另外一个讲法。话说早年广东同香港地区有好多工厂，早期都系做胶花嘅，好多女工都喺里面黐胶花。因为日做夜做，做到天昏地暗，人都做到晕坨坨，所以就用“黐胶花”嚟形容人精神唔正常嘅状态；后嚟部分工厂逐渐改做电子，女工们就开始黐电线，所以就叫“黐线”咯。 对于依两种讲法，我个人觉得第一种比较合理，不过听古就唔好驳古，典故系咁，我哋就继续按依两种讲法传承落去咯。 茂利 好多人学一种语言，往往都系从闹人嘅话开始学起嘅，学多几句就算唔用嚟闹人，起码人哋闹自己嘅时候都唔会唔知道嘛。所以今次就同大家介绍一个粤语里面用嚟闹人嘅词——茂利。 “茂利”依个词，系20世纪初，英国人喺香港教当地人建筑嘅时候诞生嘅。当时嘅英式建筑例如港督府，有好多大型窗户同埋阳台。窗户同埋阳台嘅主要支柱，英文叫“mullion”，mullion全部都系使用很粗大嘅木柱，但只有立著先叫mullion；横嘅叫“transom”。 当时好多香港人又唔识英文，听见洋人指住一大条木杆猛叫“mullion”，渐渐就学著叫“茂利”，意思系一条条木棍或者木柱，就好似傻愣愣企系度嘅人，后嚟茂利依个词就被用嚟形容蠢蠢钝钝嘅人啦。 不过对于依个词，有俗语专家就另有解释，认为茂利原系“谬戾”嘅变音，系指荒谬、乖戾合而为一嘅人，即“奸险小人”嘅意思。对于依个讲法，我就唔系太认同啦。讲真，茂利虽然系个闹人蠢钝嘅话语，但与奸险小人似乎仲相距甚远，所谓专家嘅解释，有时候都未必一定正确嘅。 |
|
|
