净心佛语 上海言话讲起来 2018-07-29 https://mp.weixin.qq.com/s/NzZaQhC0PyyocHDMkufTzg 沪语朗读：渺渺 人品勿过关，谈啥侪没用 来源：净心佛语 改编：丁迪蒙 朗读：渺渺 人品，是一个人最强个靠山，是一个人最硬个底牌。人品好个人，能够得到贵人个相助；人品差个人，谈啥侪没用！ 人格如金子一样个珍贵，人格比钞票更加重要，做人一辈子，人品越是好，素养就越是高，格局也就越大，人脉也就越广。 好个人品，是一个人最宝贵个财富，伊构成了人个地位搭仔身份，伊是一个人真正个最高学历，是每一个人个黄金招牌。 一个人，外表可以勿光鲜亮丽，但内心一定要善良、真诚，生活可以勿大富大贵，为人却一定要顶天立地。勿做坑蒙拐骗个坏事，勿做卑鄙无耻个小人！ 一个人个人品，勿需要华丽个语言称赞，勿需要昂贵个物质包装，要经得起诱惑，看得淡财利，勿搭恶人结伴，勿搭小人同行，勿管有多难，善良勿能改，勿管有多苦，品行一定要端正。 好个人品，是做人做事个根本，做人善为先，待人诚为贵，做事勤为主，勒困境当中，坚强勿屈，勒利益下头，正气勿厾。 人搿一辈子，要先做人后做事，只有拿人做好了，做起事体来再会游刃有余。假使勿懂得做人，人品差劲，言行勿正，就算伊再聪明，再有钞票，伊个前途也会受到阻碍，生活也会受到影响。 做人要以诚为本，因为诚实是立身之本，诚实是做人个美德。人之无诚，不可为交。“欲当大任，须是笃实”。做人只有实实在在，老老实实，再能赢得别人个尊重，再能勒社会浪立稳脚跟。 人，要有颗善良个心，更加要有一个端正个品，厚道做人，坦荡做事体，多立勒人家个角度考虑，再可以有得好个人缘，再能够得到信誉。 钱财会得消耗，人品能够积累，做人，老老实实，本本分分，一心向善，以诚为本，再能赢得大家个尊重搭仔称赞，人品勿过关，谈啥侪没用，做啥侪没戏！ 古人讲：厚德载物。就是讲，人假使有好个德行，就呒没承载勿了个事体。相反，人无大德便无法成就大事。 人品好个人，自带光芒，无论走到啥地方，总归会得熠熠生辉个。 |
|
|
