【原】旧上海烈性传染病死亡率惊人

渺渺m69vnzsah9 2022-03-07

展开全文

沪语朗读：李国琪

旧上海烈性传染病死亡率惊人

作者：王建运

改写诵读：李国琪

指导推荐：丁迪蒙

2020庚子新年，一场勒末生头来个“新冠肺炎”从武汉开始，短短半个多号头，就蔓延爆发成为了全国个烈性传染病。勒国家个高度重视搭仔领导下头，目前，防控疫情已经取得了关键性成果，我伲坚信，全国人民万众一心终将战胜迭场疫情。

其实，中国历史浪向遭遇瘟疫个记录勿在少数，勒近代上海就发生过数次大疫灾。据资料显示：勒清末上海个40年间，发生疫灾分别有：1877年、1881年、1885年、1895年、1902年、1903年、1904年、1907年搭仔1911年。搿些重大疫情分别是：霍乱4次，喉疫2次，天花1次，疟疾搭仔鼠疫各1次。邪气可悲个是：直到1940年之前，已经拨冠名为“远东第一大都市”个上海，小儿肺炎、痢疾、伤寒、鼠疫、白喉、疟疾等传染病，还仍旧属于“不治之症”。从1930～1949年累计数据表明：上海因传染病造成个死亡率，竟高达565/100000。

上海地处江南搭仔东海之滨，气候温暖潮湿，境内水网密织，加上人口多、密度高，还有老百姓用水习惯咾啥，造成烈性传染疾病带有明显个季节性。

每年1～5月为天花病流行。搿是由天花病毒引起个烈性传染病，也是目前为止勒世界范围里向，拨人类消灭个唯一传染病。病个潜伏期平均12天，初期症状高烧、疲劳、头疼、心跳加速搭仔背痛。两三天以后，会有典型天花红疹明显个出现勒面孔浪、手臂搭仔腿浪向，几天之后开始化脓，直到第二个礼拜开始结痂。3～4个礼拜慢慢叫发展成疥癣，然后再逐渐剥落。毛病生好以后面孔浪会得留下麻子一样个疤痕，所以，“天花”就是迭能叫出来个。

每年9月到第二年个1月是白喉病、猩红热流行。搿是由白喉杆菌引起个急性呼吸道传染病，特征是发热、气憋、声音嘶哑、犬吠样咳嗽，咽喉扁桃体搭仔周围组织侪出现白色粘膜，严重个全身中毒症状明显，会并发心肌炎搭仔周围神经麻痹。猩红热、白喉，中医认为发病机制相同，所以治疗也基本相同，可以看作同一种毛病。

痢疾大概勒每年8到10月流行，主要病因是外感染疫毒，内伤饮食勿洁所致，是上海夏季常见个传染病。

一年当中侪可能发生个是流行性脊髓炎，俗称小儿麻痹症，是由病毒、细菌、螺旋体、寄生虫、原虫、支原体等生物原性感染，或者由脊髓灰质感染所致病变个烈性传染病，会得造成下肢瘫痪、感觉障碍、植物神经功能障碍等等终身残疾。

当年勒上海发生个霍乱、伤寒，是大家闻之色变个烈性传染病，前者由霍乱弧菌产生毒素引起。临床表现上吐下泻，严重脱水，致使血浆容量明显减少，出现周围循环衰竭，造成休克及急性肾衰竭死亡。

老里八早，上海霍乱疫情周期大概是5～7年发生一次。伤寒杆菌造成个伤寒病，病人有持续性高热（40～41℃）1～2周以上，出现特殊中毒面容，皮肤玫瑰疹，肝脾肿大，死亡率邪气高个。

从1945年到1947年，从当时卫生局个统计数据浪，可以看到死亡率有多少吓人：1945年统计，伤寒死亡率为93.4％、天花死亡率41.4％、霍乱死亡率22％、白喉死亡率27.1％、痢疾死亡率82.1％、流行性脊髓炎31.7％。

以现在个眼光看，上述传染病个死亡率邪气高。当时，上海市民个平均寿命只有39岁，搭传染病死亡率高，恐怕大有关联。光一个痢疾病死亡率就达八成以上，伤寒病死亡率几乎已是百分之百了，难怪当时个人对此谈虎色变！

……

疫情来了，最紧缺个就是医务人员。老底子根本呒没“全国一盘棋”个概念，绝对勿会得有像今朝武汉搿能“一方有难、八方驰援”个事体，啥地方有疫情就靠当地医务人员顶勒一线。

当时辰光，上海个医疫机构搭仔医务人员有多少呢？据记载：除脱廿个区各设一只卫生所外，另外有市立综合医院7家、传染病医院2家、妇产院、性病防治院、牙防所、眼防所、妇婴保健院、平民医院、戒毒医院、工厂医院、儿童医院等专科医院。搭防控疫情有关个，还有市防疫总队、殡葬管理所、菜场管理所、清洁总队、市立宰牲场、卫生材料库、卫生试验所、学校卫生工作队、巡回医疗工作队等几十个机构。截止到民国卅六年（1947）8月份统计：上海全市累计注册个医务人员是2906人，登记为6403人。

对当时拥有近500万人口个上海来讲，搿眼注册医务人员，平均每人要承担一千八百多人个疾病预防搭仔医治，普通市民看病难、就医难个问题邪气突出，一旦碰着烈性传染病流行，就靠搿点医务人员赛过是杯水车薪，勿当心传着了又得勿到及时医治，也是造成当年上海传染病死亡率高个重要原因之一。