|
上海老底子每天呈送精彩文章一组 打开尘封的记忆，寻觅往昔的岁月
叙上海老底子事 忆上海老底子人 诉上海老底子情 只有住勒此地、 再好看到爷爷个码头 来源：More城读 作者：董鸣亭 改写：边秦翌 讲述：朱友好 推荐：丁迪蒙 编辑：王乙其 前文回读： （四） 06 人搭房子 大卫一走就是几年，上海个变化呢也邪气大，阿三从农村回到上海，顶替了爷娘勒虹口区烟糖公司上班，后首来企业改革，阿三就拿自家个工龄卖断，拿到了搿爿烟纸店。 随牢仔四川北路个改造，烟纸店也拨动迁了，阿三勒浦东拿了只门面房，还拿到眼补贴，隔手勒虹口个瑞虹新城买了套房子，伊个辰光伊搭个房子邪气便宜，大家认为伊面是虹镇老街，有名个江北窟。
但是，阿三眼光特别好，伊认为勒上海个每一只角角落落，只要是人可以住个地方侪是好地段。再讲，江北人又哪能啦？自家最要好个同学阿国就是江北人，上海滩就是宁波人搭江北人打下来个天下。乃末，勒兄弟当中，阿三是第一个享受到动迁房“阳光政策”个，伊间勒塘沽路、乍浦路个“红双子座”小浦西公寓个房子，也成了历史保护建筑，阿三就拿房子租拨勒一个外国人住，每个号头租金8000多块，日脚蛮好过个。 阿国呢，也终于等到了蟠龙街个动迁，伊下了眼功夫，拿到了两套房子，伊讲言话算数哦，一套拨了大儿子，一套自家搭第二个老婆还有搭第二个老婆生个囡儿一道住，阿国搭老婆讲：囡儿以后反正要嫁出去个，阿拉到辰光搭伊准备好一部轿车就可以了。
阿国个老婆也是讲道理个人，再讲，大儿子个姆妈对伊拉邪气好，常庄帮囡儿带日本货过来，也热情接待过伊拉到日本去白相，囡儿背个包包也侪是日本买个。 就搿能，大家勒上海开开心心过日脚，三家人家常庄聚会，但是，伊拉心里向最想念个就是大卫了。想念兄弟一道勒四川北路浪度过童年、学生时代……此地是充满烟火气个地方。 20世纪30年代初出版个《上海风土杂记》里向，是搿能介描写个：全上海除脱南京路、福州路之外，以北四川路最最闹猛，日里向车子、行人了勿得了。 勒邪气长个一段辰光，四川北路一直是上海商业街最闹猛个地方之一，闹猛程度仅次于南京路，霞飞路、就是现在个淮海中路。上海人嘴巴里向有句口头禅：走走看看南京路、淮海路，实实惠惠买物事四川北路。
现在，腾飞个北外滩，再一次让靠近苏州河个四川北路南段成为了时代个焦点。 对生活勒蟠龙街浪个阿国、塘沽路、乍浦路小浦西公寓个阿三、河滨大楼里个阿四，此地是伊拉个童年生活里向，可以听到外滩海关钟声，听到黄浦江轮船个鸣笛，可以从乍浦路桥游泳游到四川北路个地方。 勒伊拉个心目当中，随便哪能介个改变，此地永远是伊拉一生当中最美好个记忆。 勒大卫个心里，伊要住勒能够看得见自家爷爷曾经个码头，住勒现在拨称为北外滩个地方。 尾声 勒四川北路生活过个人，伊拉个心里永远有只梦，啥辰光可以回到此地。伊拉怀念四川北路曾经个辉煌，生活勒此地个方便，还有自家个屋里人勒搿片土地浪付出个心血，包括自家个青春岁月…… 大卫，到了国外，经过自家个努力，也安顿下来，开始做生意了，后首来也做了爷爷。但是，伊个心里总归有种失落感，啥辰光再可以回到自家个家乡呢？回上海伐？上海已经呒没房子了，让伊“胸闷”个是，昆山路浪个21花园洋房，是再也买勿回来了。乃末，伊又有了更加强烈个愿望：一定要勒乍浦路桥周围买幢好房子，可以看得到爷爷曾经个码头，就算码头买勿回来了，我也要天天看到迭个地方。 乃末，大卫回到了上海，伊天天勒看各种各样个房子，常庄勒乍浦路桥浪看风景。终于，伊看到了自家做梦也想的房子，靠近乍浦路桥，勒北外滩四川北路曾经最最闹猛个地方，外加，就勒昆山路花园洋房个隔壁。 搿是由海泰地产开发个，是由近13万平方米个公寓住宅、海派博物馆搭仔精品酒店组成个，浦西住宅个天际线也要勒搿搭诞生，成为北外滩世界会客厅个又一个核心地标。
对大卫来讲，搿是最理想个地方——从170米高空看下去，可以看得到爷爷当年个码头，看到自家出生搭仔长大个地方。作为家族个传承，让自家个子孙永远记牢自家是上海人，是四川北路浪个小开。 大卫已经决定，伊就勒搿搭买房子，伊勒等几个兄弟，准备告诉伊拉：我大卫回来了，阿拉照样可以勒四川北路浪重温埃歇横里个辉煌。
作者：董鸣亭
讲述：朱友好 迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
丁迪蒙所撰写的，与沪语相关的著作主要有： 《学说上海话》上海科技文献出版社 《听听说说上海话》少年出版社 《实用沪语》复旦大学出版社 《上海话绕口令》少儿出版社 《上海方言词语使用手册》上海教育出版社 《上海话读成语故事》少儿出版社 《囡囡学童谣》，少儿出版社。
转自：“启迪心田沪语”公众号 我知道你在看哟~ |
|
|
