 对于“知趣”迭个词语唻讲伐，伊就是属于一句上海方言闲话，迭个词语，伊最主要个意思搭含义，就是勒拉讲：覅管是身处勒拉啥个社会阶层里向个人群搭个人，伊本人勒拉做人个辰光，顶顶起码也要去懂得一眼眼最最基本个、上海人所拥有个、各色各样个人情世故，自家一定要去晓得并弄清爽迭能一桩事体，既覅管是阿里一种类型搭脾气性格个人，也覅管是勒拉啥个辰光搭场合下头，侪都应该去弄弄清爽，勒拉迭个辰光里向，啥个闲话么是属于自家好去讲出唻个，啥个事体么又是属于自家现在就好去做忒个，是千万覅好去弄错忒哦，一旦畀自家弄错忒、弄反嘞以后，眼扳数要畀大家贻笑大方个！总而言之归纳起唻讲伐，迭个就是－－做人言行一定要恰如其分适合伊个身份，要是弄覅好就会得让人觉着迭个人就是属于邪气错气个。  实际浪向，“知趣”迭个词语覅是现在侪开始有、侪开始流行起唻个，古已有之，顶顶早是出现勒拉吾伲国家历史浪向个宋朝辰光。宋朝辰光有一位词人叫做赵德庄赵彦端，伊撰写有《永遇乐·陪程金溪跃马用其韵》一词，勒拉其中伊就讲道：“笑看相，风林露草，古唻有谁知趣。”还比方讲：中国四大古典文学名著中个《西游记》，勒拉第九十三回就讲道：“你这黑子不知趣。”同样是中国四大古典文学名著个《红楼梦》，勒拉第二十七回也有一段关于知趣方面个闲话，也讲道：“凤姐打量了一回，见他生得干净俏丽，说话知趣。”  勒拉老一辈个上海人看唻，人与人之间打交道、交往是在所难免个，阿是覅可缺少个，所以邪气看重打交道交往个人，是覅是一个“知趣个人”。假使讲伊本人是“一个知趣个人”，就搭伊继续、长期打交道交往下去，辰光一长久而久之，以后还有可能成为交关要好个好朋友哩；假使讲伊“覅是一个知趣个人”，一趟两趟也就算嘞，等到第三趟，要是伊本人老是屡教覅肯去更改改正个闲话，嘎么打交道轧朋友就只好到此为止嘞，再阿么啥个下趟仔嘞，下躺仔再阿覅愿意去搭迭种人碰碰头、打交道轧一个朋友嘞，就算偶尔勒拉马路浪向碰到嘞迭种人，阿会装作呒认得伊，甚至于还会得去压压较避避开！  吾本人是迭能样子唻理解、认得并去认为“知趣”迭桩事体个，迭个是属于邪气重要个一种好品质哦，覅管是身处勒拉阿里一个社会阶层里向个人群搭个人，每个人勒拉生命旅途个全过程当中，勒拉自家个人生道路上，也同样是属于覅可缺少个一种好品质哦！勒拉老一辈个上海人看唻，绝对是属于覅可缺少个一种好品质，对于老一辈个上海人唻讲伐，伊拉是邪气看重迭种品质个，所以呒管勒拉啥个辰光、是啥个人，做人一定要去懂得“知趣”，更要去“学会知趣”，老一辈个上海人是顶欢喜搭“邪气知趣个人”轧一个朋友。要是伊本人“覅是一个知趣个人”，覅仅从开口到闭口，覅会得去搭迭种人讲一句闲话，更覅大会得搭迭种类型个人，有得丝毫个往唻与交往。  勒拉一般情况下头唻讲伐，只要是属于一些覅（大）知趣个人，对于绝大多数个人唻讲伐，基本浪向侪是属于“拎（大）覅清爽个人”，也是属于“覅（大）识相个人”，还是属于“看（大）覅出山水”一类个人，像迭种类型个人，陪伴着辰光覅断个前进搭推移，久而久之，伊肯定会得倒（大）霉、跌一个（大）跟头、喫（大）屈哦……实际浪向，凡是交关知趣个人，侪是看得出山水个人，“知趣”搭“山水”勒拉某些情况下头，还是可以去划一个等号个。侬去看，凡是一些覅是邪气知趣个人，勒拉一般情况下头，侪是看大覅出山水个人，要是有人搭伊指出伊本人覅是一个知趣个人，有些人依旧还会得当做补药去喫喫，虽说是迭能样子，伊本人依旧会得我行我素依然如故！  还有个就是，老一辈个上海人，对付那些“覅（大）知趣个人”“拎（大）覅清爽”“覅（大）识相”“看（大）覅出山水”个一类人，顶顶好个一种办法，就是寻到一个好机会，轻者，就请伊喫喫毛栗子，重者，就要请伊去喫一顿“辣货酱”哦，所以勒拉上海个方言俗语当中，就有一句闲话叫做：“覅识相，要喫辣货酱！”  另外，勒拉老一辈个上海人还邪气欢喜去讲迭能一句闲话哦，讲道：“覅识人头，喫煞苦头！有借有还，再借覅难！”……迭句闲话伊个意思同样是勒拉指：覅管是啥个人，做人一定要知趣、是一个知趣个人，凡是覅（大）知趣个人，伊肯定呒好日脚可以去过个！  勒拉通常情况下头唻讲，凡是那些“覅（大）知趣个人”，往往侪都是属于“拎（大）覅清爽”“覅（大）识相”“看（大）覅出山水”一类个人群搭个人哦，迭种人一旦是弄到后末唻以后，是用覅着多去讲眼啥个么事个，绝对呒会得有一个好结果个。覅仅仅是迭能样子，勒拉俗常生活当中、勒拉吾伲个人生旅途中，多多少少就会得碰到迭能样子个人。有得交交关关多个人，伊自家还覅一定晓得明白伊是迭能样子个人唻，一旦等到伊自家发觉以后，好像情况搭苗头有一眼覅大对头个闲话，迭个辰光已经是晚忒嘞，绝对是唻覅及个！  勒拉人与人之间打交道、交往搭轧男女朋友个过程当中，凡是属于覅（大）知趣个一类人群搭个人，往往是覅大容易受到大家个欢迎个，大家覅仅对伊本人个态度会得像对待瘟神一样，对伊阿是敬而远之压压较避避开，就算实在是呒得啥个办法去避避开个闲话，也只好是表面客客气气去应付一下、打一声招呼仅此而已，覅（大）会得去拖泥带水多啰唆些啥个闲话哦。伊做人已做到嘞迭种地步，侬讲伊还有得啥个人味道伐？！就勒拉迭种状况下头，覅但是属于覅（大）知趣个人所拥有个悲剧，还要是伊生魂灵头醒悟过唻，多多少少伊自家阿会觉得做人呒啥个味道好去讲个，也可以讲是缺少人味道嘞！  实际浪向，既覅管是属于身处勒拉啥个社会阶层里向个人群搭个人；也覅管伊本人是从事啥个行当个；亦覅管伊本人是属于啥个脾气性格个人；更覅管勒拉啥个情况搭场合下头；对于“做人”迭桩事体唻讲伐，就要做一个“邪气知趣个人”。嘎么，有得啥个好办法可以去操作个法，还是有得个，迭个一种好办法也是属于交关简单方便个办法，就是－－多做事体少去讲各种闲话。有一句闲话叫做：“言多必失！”闲话讲得交关少，总归是覅错哦！如果一定要去讲各种闲话，要去发表一眼眼意见搭建议，只要做到简明扼要点到为止就好。  另外吾还想去讲个闲话，迭个就是－－自家勒拉做人个辰光，除忒多做事体、少讲闲话、少去谈山海经嘎讪胡以外，个人还要尽自家最大个努力，去做到尽量少去麻烦人家，少去搭人家纠缠覅清爽就对嘞，只要能够去做到个闲话，伊就是属于一个邪气知趣个人哦！ 有一些人，勒拉人与人之间打交道、交往搭轧朋友个全过程当中，自我感觉覅要邪气良好哦，总认为搭大家个感情绝对是好得唻呒啥个闲话好去讲个，简直就是属于（好像）穿一条裤子个亲兄弟姐妹哩，还好像自家是一个大领导一样，就可以自以为是个去指手画脚，要求大家只要迭能样子去做，伊能样子去做，绝对是覅可以覅好覅唻三个，凡是有迭种想法个人，侬讲伊是属于覅（大）知趣个人伐？！勒拉某些情况下头、勒拉刚刚开始个辰光，大家有可能碍于是朋友、碍于面子，覅好搭伊发啥个脾气、翻啥个毛抢，但是勒拉内心深处已经覅（大）愉快嘞，多多少少有得一眼眼想忒伊拗断断交念头嘞，假使伊还覅晓得进退、覅会得去改改脾气性格，结果当然好覅到啥地方去，朋友会得一个又一个搭伊拗断，以后伊再阿么朋友轧不着好朋友嘞…… 覅但是迭能样子哦，勒拉人与人之间打交道、交往搭轧朋友个全过程当中，总归会有得一些覅（大）知趣个人出现勒拉吾伲面前啊，还会自认为自家“绝对是一个万人迷”，更会受到“万众瞩目”通通围牢伊转哦，伊勒拉心里向会得想，亦会受到大家邪气热烈个欢迎，像迭种人，弄到嘞后末唻，经常是弄得唻一眼眼落场水啊是呒得个，还往往让人勒拉背后讥笑不已，更会得畀人家去看成一个笑话。 只要侬搭吾是一个有心人，还之所以会变成功迭能样子，更之所以会经常性出现覅（大）知趣个人群搭个人，吾是迭能样子唻理解、认得并去认为个，顶顶主要个原因，也无非有得如下三种情况。 第一种情况就是：搭伊本人所受到个教育程度、个人所拥有个经历搭阅历、自家个综合素质搭综合能力等方面……综合上述吾所讲个各种因素，全面去加以分析了解以后，绝对是属于休戚相关个。 第尼种情况就是：搭伊本人覅（大）晓得，啥个辰光么自家应该大踏步个向前去前进，又是啥个辰光么是自家好向后去撤退嘞，伊本人既是属于分覅清爽是非搭场合个，伊本人也是覅（大）会得考虑啥个后果个，只会得先开口去讲出唻，勒拉啥个场合下头么，哪能去讲各种好闲话、去做好各种事体，啥个闲话是吾自家好去讲出唻个，啥个闲话又是自家绝对覅好去讲出唻个，绝对是有着莫大个关系！ 第三种情况就是：勒拉人与人之间打交道、交往搭轧朋友个全过程当中，还搭伊本人覅大肯、覅欢喜讲一些真心闲话，同样也是有得一定个关系个。要么覅讲一句闲话，一旦讲起各种闲话唻，几乎是呒得一句实话搭好闲话个，畀任何一个人侪觉着，伊总是云里雾里云山雾罩覅够接地气，好像要到处去防备任何一个人似的。一旦真个碰到嘞迭种类型个人，对付迭种人，阿么的啥好个办法，吾伲只能去采用行动唻表明，吾伲只好对侬是敬而远之避避开，忒侬拗断断交！ 侬去看，纵观人类个历史以后，就会得发觉迭能一桩事体唻哦，勒拉人类个历史浪向、勒拉古今中外各类人事物情当中，同样是有得邪气知趣个人搭覅大知趣个人哦，吾就尝试着去列举俩个例子唻分别去加以说明吧。勒拉吾伲国家个历史浪向，“邪气知趣个人”还是要数春秋末期著名个政治家、军事家、经济学家搭道家学者范蠡嘞，当越国国王勾践复国成功以后，范蠡就一眼看出勾践迭个人是属于“可以去共患难”，“而绝对覅能共富贵个人”，于是乎，范蠡就邪气知趣个挂冠而去，远远较逃离嘞越国，覅再搭勾践一道共事，后末唻就一门心思去做起各类生意经，成为著名大款陶朱公哦；同时代搭范蠡一道共事个文种，相比之下唻讲，伊就是一个邪气覅大知趣个人哦，还要梦想着搭勾践一道去共享荣华富贵，呒料想到，呒过多久就畀勾践赐死嘞，伊成为历史浪向狡兔死走狗烹交关好个一个例子啊。 由上述吾所列举出唻个例子就可以去看到，“知趣”实际浪向就是一种“修养”搭“礼貌”，与此同时凡是那些“邪气知趣个人”，既能够去好好较保护好自家哦，还能够去避免各类覅必要个尴尬，更可以去保持自家应该有个一种尊严，覅至于受到胯下之辱搭畀人家个羞辱哦。畀过要去“做一个知趣个人”，也覅是交关容易个一桩事体哦，伊需要交交关关多个人生阅历、人生技巧搭各类人生常识。 吾伲国家个古人也覅是去讲过迭能一句老古闲话嘛，讲道：“识时务者为俊杰也！”吾始终认为，但凡是属于一个邪气知趣个人，与此同时伊本人必然是属于一个“交关有得眼色”“邪气识相一类人”“邪气会得识各种人头”，是会得去看“各种山水”个人。 迭种人覅管勒拉啥个情况下头，既覅（大）会得勉勉强强去做各类事体，也覅（大）会得去一意孤行个，“剑走偏锋”搭“厚颜无耻”也覅（大）会得是伊本人做人个行为搭准则哦，像迭种人做每一桩事体个前头，绝对会得去前思后想考虑得邪气清爽，啥个事体搭闲话是吾本人好去做个，啥个事体搭闲话又是本人覅能去做个，如果是覅能去做个闲话，就会得去想尽一切办法搭方法，让自家去全身而退，像迭种类型个人，伊拉个智商搭情商，要比一般个人高出覅是一眼两眼哦，而是就要高出交关多个，审时度势就是伊拉个拿手好戏哩。 通过吾上述所写个文字，还让吾晓得嘞，任何一桩人事物情实际浪向侪是相通个，与此同时又可以相互去借鉴，拿唻为吾所用个！既覅管是啥个人，也覅管伊是做啥个行当搭营生个，更覅管勒拉啥个情况下头，到处要去讲究“知趣”迭个词语，人人侪是离覅开“知趣”迭个词语！还比方去讲，要是吾伲目前是身处勒拉情场上头，轧一个异性朋友，或许勒拉某些辰光里向，蛮卿卿我我你侬我侬个，畀过，辰光一长久而久之，只要对方横考虑竖考虑并认为，俩个人之间因为收入、工作、感情搭情感等综合因素，已经覅大适合再继续交往下去轧一个朋友，而且已经明确发出嘞一个暗示，要是伊本人是一个知趣搭聪明个人，就会邪气知趣个选择退出，好好较搭对方去讲一声好聚好散再会嘞，希望侬以后能寻找到比吾还要好个对象，就覅应该再去死缠烂打纠缠着覅肯去放手嘞。假使讲伊本人覅是一个知趣个人，还有一眼眼拎（大）覅清爽，存有一丝侥幸心理，始终搭对方纠缠覅放，等到对方去讲出更加绝情个闲话，做出绝情事体唻，弄得嘞两败俱伤、闹个鱼死网破，覅但会得自取其辱，还会让自家伤受得更加深！ 文章写到此地块，吾自家同样要去对照上述所撰写个内容，去好好较想一想，自家有些辰光绝对也是一个“半吊子”人哦，勒拉有些辰光吾是属于邪气知趣个人，勒拉有些辰光吾又覅是属于一个邪气知趣个人，所以讲，从今朝仔开始做起，从今往后，一定要去改正覅（大）知趣迭个邪气覅大好个坏习惯，要尽力争取去做一个知趣个人！ 【备注：①：文章为作者原创；②：前十八种老上海风情街图片由远亲老伯伯黄锦荣提供个；后面七张老上海风情街图片侪是来源于网络上头，图片搭文字很有可能是不相匹配的；③：万分感谢原创图片哦！】 杜老倌侠客居（陆伟）写于2013年10月19日礼拜六下半日 |
|
|
