洪廚--香辣惹味水煮牛肉

食乜好——
香辣惹味水煮牛肉

2012-02-01

      

天寒地凍，自然想吃一些熱烘烘的食物保暖，除了火鍋外，香辣兼備的川菜亦是個人心水選擇。米珠蓮近日就在西環發現了一間水準甚高的川粵小炒店，店子名為洪廚，主打川菜及粵菜，餐牌上的菜式種類不多，不過肯定落足心思炮製，皆因大部份佐料如高湯、麻醬、川辣醬及普寧醬等都是自家製作。

        在各式川菜中，以水煮牛肉最為出色，選用新鮮牛肉，肉質嫩滑並帶有嚼勁，至於湯底則加入了辣椒、花椒、八角及薑等材料熬煮而成，愈食嘴巴愈有發麻的感覺，極之香辣惹味，除牛肉外更有豬紅、芽菜和山根，全部吸盡了湯汁的精華，辣得相當過癮！乾焗肥腸同樣是大受歡迎的菜式，肥腸要事先以花椒、八角及薑等蒸煮最少一小時，再用、指天椒及紅椒等材料爆香，甚花工夫，吃落鑊氣十足，豬腸外皮脆身，肉質軟腍，略帶辣味。

        至於其他菜式的水準亦不俗，首推自創的麻醬茄子皇，茄子裏釀了蝦肉及豬肉，炸香後咬下去依然彈牙多汁，秘製麻醬由豆瓣醬、白醋、紅醋及豉油等調製，味道酸甜中帶微辣，香口惹味，亦十分醒胃。順常一提，小店的午餐亦很吸引，一款小菜配白飯、炸雞沙律及黑糯米豆腐只索價$40，更不設加一，如此抵吃，難怪不論在午市及晚市都要大排長龍，甚受街坊歡迎。

        查詢：25488012

        米珠蓮