|
苏州谚语拾遗 我从1987年起就开始收集苏州谚语，农谚包括气象类的不收集，因为出版过《农谚》的书，还有下流淫秽的不收集。为避免三个拨来花，就忘记得精汤光，身边、床头常备好纸笔，随时记录，积久渐多，集了500多条，再剔除与1989年版《苏州歌谣谚语》、1995年版《苏州市志》中重复的，这样还有150多条 莳秧轧嘞忙档里 聪明面孔笨肚肠 抱嘞手里怕冷，含嘞嘴里怕烊，吞嘞肚里怕鲠 白乘仔航船，还要嫌比杉木气 乡下大姑娘，有吃呒看相 匠人屋里折（音chi）脚凳 叫化子勿留隔夜食 荷叶包勿住沙角菱 船头上相骂，船艄上搭话（“上”读音“浪”，下同） 猢狲勿该宝 窜条鱼钓白鱼 金窝银窝，勿及屋里狗窝 风作雨来，人作祸来 吃食瞒食，狗也勿及 懒出虫来，馋出精来 惹要俏，冻得哇哇叫 越睏越懒，越吃越馋 鼻涕说鼻涕，自家搭搭滴 身上挂灯结彩，肚皮里红木紫檀（即使穷，仍讲究吃） 水牛角、黄牛角、各归各 吃么天神天将，做么道士行香 吃么饭浪头，做生活嫩骨头 吃仔碗里，望仔镬里 猪睏长肉，人睏败屋 黄梅勿落青梅落 穷穷穷，屋里还有三担铜 阎王好见，小鬼难缠 歪对歪，溜对溜，破畚箕对厄条帚 吃死人勿吐骨头 强盗囡 ng 贼外甥 外甥是只狗，吃仔朝外走 裁缝勿落布，屋里死家婆 冷么冷懒汉，输么输急汉 嘴里说出糖来，腰里拔出刀来 鬼火道士夜来忙 上庙勿见土地 穷上加岌，雪上加霜 儿子勿养，担搁老娘 俏皮眼做拨瞎子看 穷灶前，富水缸 十指头勿揽水 借伞勿用谢，撑开吹一夜 到啥山，捉啥柴 做天难做四月天，做人难做中年间 左耳朵进，右耳朵出 引囝勿如引狗 热豆腐烫煞养媳妇 只晓得吃，勿晓得屁股出 宁愿做鸟，不愿做小（小指小老婆） 黄毛丫头十八变，临时上轿还要变三变 家主婆人家ge好，儿子自家ge 好 吃别人吃出汗来，吃自家忍出汗来 算盘珠，拨一拨，动一动 蜡烛勿点勿亮，算盘勿拨勿响 一钿逼煞英雄汉 氽脱仔木排捞门闩 鸭肫难剥，人心难托 牙齿搭舌头也要打相打 狗头上抓抓，猫头上拉拉 羊肉朆吃着，惹仔一身羊骚气 烧香望和尚，一事两便当 好记性勿及烂笔头 讨仔三年饭，做官也呒心路 得罪仔路头菩萨一世穷 见仔大庙得得拜，见仔小庙踢一脚 曳勒长里，扯勒短里 麻雀虽小，五脏俱全 三年勿接客，一接接着个歪喇叭 铜钿用嘞刀口上 看人挑担勿吃力 嘴唇两爿皮，翻来覆去全是理 看他勿象样，倒个是雕花匠 吃力勿赚钿，赚钱不吃力 白脚花狸猫，吃仔朝外跑 爷有娘有，勿及自有 贪嘴勿留穷性命 一个唱红面，一个唱白面 孵生勿如孵熟 勿出铜钿看白戏 莳秧看上档 死桃树开花 买卖野人头 头头勿了，账账勿清 勿识相要吃辣火酱 热心人招揽事非多 千日难得虎瞌充 席上滚到地上,地上滚到席上 长洲勿让吴县,吴县勿让长洲 三拳头打勿出个闷屁 吃饱差勿动，坐定打瞌充 要么楼上楼，要么楼下搬砖头 甜欢喜，咸中意 吃饭勿晓得饥饱，睏觉勿晓得颠倒 爷来爷好，娘来娘好 矮子里拔长子 蒲鞋出须须（音su）一场呒结果 桃子拣熟格吃，人拣软格欺 蜻蜓尾巴自吃自 麻雀肚里一包气 假客气碰着真老实 只顾羊卵子，勿顾羊性命 来得早，勿如来得巧 要讨好，饶勿焦 贪qiang（便宜）买猪婆肉 热面孔贴着冷屁股 头新鲜，尾巴厌 左手勿相信右手 托人托仔个王伯伯 苏州人，一窝蜂 一个铜板看得搭洋钿大 金鱼缸里来仔黑鱼精 顺风旗勿要扯得太足 运来推勿开，倒霉一起来 一拳来，一脚去 小牵转，大勿算 三年读本老《大学》 夹忙头里膀牵筋 落水鬼骗上岸 虾有虾路，蟹有蟹路 戳牛 bi不看天时 老鸦戳 bi大排场 咒人咒勿刹，自己活跳刹 脚踏西瓜皮，滑到哪（音lu）里是哪里 矮子肚里疙瘩多 叫化子嫌勿落讨饭 皇帝也有三门草鞋亲 陌生人吊孝，死人肚里得知 两个肩膀（音gao)扛个头 合（音ge）本合出血来 花头经，十八出 十句九厾落，一句勿着落 一滴水掉（音de）嘞油瓶里 一洗帚豁煞十八只蟑螂 宰相肚里好撑船 铜钿眼里跹（翻）跟斗 螺丝壳里做道场 绵纱线扳到石牌坊 象牙筷上扳雀丝 冷镬子爆出热栗子 眼睛一眨，老孵鸡变鸭 造屋请仔箍桶匠 吃死人勿吐骨头 一跤跌到青云里 拿了麦柴当令箭 骨头呒不四两重 小狗对屎坑罚咒 吃得落三担干狗屎 好人呒不肚皮眼 掰哈欠，割舌头 摸奶奶戳zhang（刺） 千年文书好合药（合读作ge） 良心拨嘞狗吃脱哉 探脱帽子，呒不脑子 人搀仔勿走，鬼搀仔咚咚跑 吃仔生人脑子，勿怕血腥气 鬼迷张天师，有法呒处施 睏梦头里也笑豁仔嘴 霉头触到时印度国 坍台坍到脚后跟 三拳头打勿出个闷屁 十八个画师画勿像 石乌龟宕嘞当中 |
|
|
