|
其实你知唔知放飞机、巴闭、混吉呢啲你成日会用到嘅词由来呢？咁你又知唔知原来香港人口中常用的一些广东话形容词和动词，其实是源自英文。快啲嚟睇下啦！ 放飞机 何为放飞机呢？话说旧香港。有一日，就要上演飞机飞行。香港有史以来第一次有飞机睇！仲要部水上飞机添！全香港万众期待：有人要放飞机睇啊！ 第一日到来，因为打风，冇得开，众人失望而归；第二日，天朗气清，各人以为有睇，点知个飞机师病，要推到第三日。而第三日呢，到部机个引擎出事，修理唔到。跟住就**byebye**喇！所以D人就用放飞机形容讲去做，又唔做的行为！ 巴闭 "巴闭"来自印度话，自汉朝中国己同印度人做生意，D印度商人好鬼嘈，成日叫："BAP RE, BAP RE！"，呢句意思是"我的天呀！"，於是广东人就学佢地讲，讲下讲下就变成今日"巴闭"喇！ 混吉 原来系因为以前嘅小型饭店，只要你去帮衬就会免费奉送一碗清汤，饭店每日所售鸡鸭鹅猪牛肉，都用呢一锅水整熟既，所以汤入面有肉味，然后落一堆味精，就系一碗清汤啦！因为系清汤，所以入面乜料都无，即系空空如也，香港人觉得"空"等於"凶"，所以就改成"吉"，所以碗汤就叫做"吉水"。当时，有好多穷人，入到饭店，一坐低，就问夥记摞一碗"吉水"，D穷人一口气饮完，静鸡鸡就走左去，因为呢碗汤系免费，所以饭店唔可以捉，所以夥记就叫呢种混骗行为叫做"混吉" ！ 杯葛 其实，"杯葛"是英文BOYCOTT的译音，意思即系"反抗和抵制"，唔讲你唔知，此BOYCOTT原来系一个人名，全名叫做Charles Cunningham Boycott, 生於1832年，死於1897年， 系北爱尔兰一个恶汉，专替贵族大地主等收租，手段凶残，专逼害那些穷困的佃户，一遇到钱交租，就会诸多逼害。於是，呢班佃户一呼百应，联合起来对付逼害 者。杯葛打唔过佢地，惟有落荒而逃，自始面目无光，备受困扰痛苦而死。爱尔兰佃户今次打胜仗，轰动一时，影响很大。此后但凡抵制或断绝关系，就以此位爱尔兰收租佬的姓为名，叫做"杯葛"也。 大耳窿 原来开阜初，香港洋人印（度）人大集会，而放贵利的多数系"白头摩罗"，这些"摩罗差"戴白头巾，所以人人都叫地做"白头摩罗"。白头摩罗扮相古怪，爱戴一只大如铜元的耳环，所以耳朵要穿个耳洞，港人觉得可憎，称他们为"大耳窿"。不过，还有一个说法，当时放贵利，都是放小额款项如三几角钱，给劳苦大众，为使人们知到他们有钱借，便把一个银元塞在耳朵的耳窿，作为记号，令人认得。 一蚊鸡 原来我地所讲"一蚊鸡"系与塘西风月扯上关系；话说去塘西召妓，初步手续先写一张"花纸"，而格式亦有一定，先写自己名号(以几多自称)，中间写妓女名字，最后一行写妓院名称。写好之后，便交由酒楼杂役带去妓院，那些阿姑接到"花纸"，便应召"出局"。妓女每次局票收一元，而省港人士向来称妓女为"鸡"，既然一元召得一"鸡"，后来就索性称一元做"一蚊鸡"。顺带一提，这一元只是陪酒谈笑而已，属"体面上"的手续，如果饮客要有更进一步的行动，还要花很多很多钱，这"一蚊鸡"只系美梦或恶梦的开始！ 十三点 "十三点"是上海市井俚语，因为解放之后大量上海人南移，才变成趣怪广州话。"十三点"初时意谓"敲乱钟"，原来旧时的时钟，每逢一小时便报时一次，例如下午四时，钟摆便会敲响四下，五点敲五下，至多系十二点，也不过敲十二下，但居然敲出十三响，唔通有十三点？当然系出问题，正如俗语所讲癫癫地！所以，十三点就系代表人既性格癫癫地。 丫呜 有好长一段时间，广东人已遗忘"丫呜"这俗语，不过，大约是一九八五年林子祥所唱的《丫呜婆》，重新使"丫呜"流行了一阵子。"丫呜婆"，丑怪女人，因为"丫呜"本身已经系怪物，而"丫呜婆"当然系好极有限。其实，以前有个汉朝大将军叫做刘胡，因为皮肤坳黑，所以叫呢个将军做"坳胡"。蛮人非常害怕大将军之武功，每遇小儿扭计哭啼，就索性拿这个恶人来吓孩子们："刘胡来啦！" "坳胡来啦！"丫胡婆来啦！"..."丫胡公来啦！"由此可见，"丫呜"不算系甚麼怪物，只是个貌丑的黑炭头将军，后来才渲染成为鬼怪！ 捉黄脚鸡 原来呢个搞笑俗语系出自广东的农村，农民养鸡，专养雌鸡而唔中意养雄鸡，因为雌鸡可以生鸡蛋，所以价钱不错。所以如果要拜神，当然先'捅'雄鸡黎拜，点捉雄鸡？农民先将谷撒在门外，群鸡就"鸡咁脚"食谷，当班雌鸡食紧谷时候，班雄鸡就"色心起"！懒得去食谷，一扑就扑上雌鸡背上交配。呢个时候，正系捉雄鸡的最好时候，那色鬼当时并无防范，农民捉住它的鸡脚就得啦！雄鸡的双脚呈深蛋黄色。所以"捉黄脚鸡"就此由来o勒。 香港人口中常用的一些广东话形容词和动词，其实是源自英文，今次举十个常见例子： 1. 派头：Pride（自豪、威风） 70年代，流行讲「派头」这个形容词，即是「讲派场、有威势、够铺张」的正面称赞。「派头」来自英文「Pride」。例句：「佢哋结婚，飞去法国古堡举行婚礼，仲包埋所有亲友机票食宿，真系够哂派头！」 2. 疴毕甩：疴blood（疴血） 如果遇上麻烦、辣手难题、或者死路一条，就会自叹一句：「呢一镬真系疴毕甩！」「毕甩」来自英文「blood」，在肠癌横行的今天，「疴血」都咪话唔大镬！例句：「吓？你架Civic仔撞烂人哋架法拉利？你今次真系疴毕甩！」 3. 蛇quare：Scare（惊吓、恐惧） 「蛇quare」形容人「腾鸡，无胆，大惊少怪」，「蛇quare」来自英文「Scare」，例句：「你唔好咁蛇quare啦！乜都自己吓自己一餐！」 4. 仆街：Poor guy（粗劣的人） 「仆街」经常被人误以为是「动词」：咀咒对方「仆喺条街度！」其实「仆街」是名词，来自英文的「Poor guy」。「Poor」不是「贫穷」的意思，而是「粗劣、低俗、破烂」的意思。例句：「呢条友连80岁啊婆冲凉都装！正一仆街！」 5. 薯唛：Schmuck（笨人） 赞人叻仔就话佢smart，但系弹人蠢钝就叫佢「薯唛」！薯唛并非源於「蕃薯的唛头」，「薯唛」来自英文「Schmuck」，除了形容愚笨之外，也可应用在老土的衣著上。例句：「哗！乜你仲著「大地牌」冷衫？咁薯唛架！」 6. 花臣：Fashion（新款式） 80年代，一讲到「花臣」，就是指新的gimmick（噱头）。即是「新招数、新花款、新点子」，「花臣」来自英文「Fashion」，例句：「哼！黔驴技穷！睇你仲有乜嘢新花臣吖？！」 7. 虾碌：Hard Luck（恶运倒霉） 虾碌泛指拍电影时的NG片段，所谓「虾碌镜头」，现实生活里，虾碌指忙中有错，挂万漏一，失之交臂。「虾碌」来自英文「Hard Luck」，行衰运所以虾碌！例句：「唔好意思，一时虾碌，将你个master file delete咗！你要重新再打过呀！」 8. 老粒：Rob（抢劫） 90年代初，流行讲「老粒」，即是抢劫。「老粒」并非指一粒很老的东西，「老粒」来自英文「Rob」，例句：「咪郁！老粒呀！快啲攞哂啲钱出嚟，唔系一刀捅瓜你！」 9. 符碌：Fluke（棒球术语：侥幸击中） 「符碌」指不靠实际能力，幸运地达成目标、纯粹侥幸彩数。「符碌」来自英文「Fluke」，是但马虎，随便求其，但又能幸运地完成艰钜任务。例句：「临尾一Q，俾佢符符碌碌咁打埋个黑柴入尾袋添！」 10. 唱钱：Change（货币找换） 当要使用另一个国家的货币，便要去找换店「唱钱」，「唱啲美金」、「唱啲英磅」、「唱啲人民币」，「唱钱」来自英文「Change」（日语叫两替店），例句：「下个礼拜去伦敦旅行，而家趁英磅平，唱定啲钱先！」 P.S. . 临时演员叫「茄呢啡」，来至「Carefree」这些演员不需太注重 . 印式广东话->咕喱，系英文 Coolie 同埋葡文发音嘅Koolie广东话音译 . 汽车泊车的「泊」字，来自Parking中的「Park」 . 形容靓女的「索」来自「Sharp」（明艳夺目），「条女好索！」＝「条女好Sharp！」 . 发蹄腾（FRIGHTENED) ......好惊 . 四万（SMILE )咁口......噬起棚牙 . 有 D啤 （DEPRESSED).....无心机唔做野 . 唔驶频能 （PANIC) ....... 唔驶忙乱 . 被人爆格 (BURGLARY)........ 被人入屋盗窃 . 喊到飞呢发辣 (FULLY FLATTED)......喊到很凄凉 . 信唔信我丙 (PUNCH) 你..............信唔信我打你 . 好多拗叫 (ARGUE) ...........好多争执 . 好木独 (MOODY)......... 无心机唔出声 . 有功铺魔 (PROMOTE) 无功 布魔（潮州x你母）....有功升级，无功捱骂 . 吽吽豆豆 ( OUT OF ORDER ) .....行为失控不正常 . DELAY NO MORE .......做野太慢捱骂（娘亲被问候） |
|
|
