讲起旺记相信有好多西关嘅老街坊都知道佢个大名，皆因佢已经係呢到屹立咗32年嘅时间。旺记唔似一般嘅烧腊店咁係藏身係市场里面而係係广州嘅旅游名地荔枝湾旁边。虽然旺记门面唔大，但你唔好睇少呢个小小嘅门面，皆因呢到无论係出品定话係服务都一流！由于老板从细就跟广州烧腊界嘅老师傅学师，而且铺头每日所有嘅烧腊都係新鲜自产自制，加上对于环境卫生、食品安全嘅严格把关，各位师奶们可以放心斩料咯！ 讲起斩料，好多人第一时间都会霖起烧鹅。而你嚟到旺记当然唔可以错过呢个招牌啦。旺记嘅烧鹅係精选咗上等嘅四会马岗棚鹅，只只都细皮嫩肉，脂肪分布均匀。烧出嚟嘅烧鹅更加係色泽均匀，皮香肉嫩。 挂係橱窗到嘅烧鹅真係只只出汁！ 一刀斩落刚刚出炉嘅烧鹅到，唔单止烧鹅皮脆卜卜，就连D烧鹅汁都係鹅身到飙晒出嚟。真係睇我我口水都流埋啦！ 师傅手起刀落，话咁快一只烧鹅就被人收入囊中，带翻屋企慢慢品尝！师傅记得留翻只烧鹅肶俾我啊！！ 係广州市各大烧腊店相信都有豉油鸡卖，但係边到可以食到最传统风味嘅豉油鸡？嚟旺记就最啱啦！豉油同烧鹅一样，每日精选新鲜鸡，用豉油同药材一齐浸到只鸡入晒味，果真只只都係橙黄光亮喔。
果然食落口虽然豉油味浓郁，但係就一D都没掩饰到香香嘅鸡味。而且皮光柔嫩，怪唔得知我屋企有亲戚嚟食饭，妈妈都都要落oder嚟呢到买豉油鸡啦。
嚟到呢到你仲有一种嘢係千万唔可以错过嘅，佢就係鹅掌亦啦！呢到嘅鹅掌亦每日都用山草药熬嘅汤嚟腌制，只只都风味十足。佢虽然冇花俏特别嘅调味，单单用药汁吊味已经够吸引，皮肉紧密相连，一口咬下去，只有再来一只嘅冲动！
除咗呢D，当然旺记仲有好多其它嘅嘢啦，烧排骨、叉烧、烧鸡翼……总之你谂到嘅，呢到都有。
记住旺记呢个金漆招牌，包准你卖到全广州最有风味嘅烧腊。就因为佢最广州嘅风味，到家阵仲有唔少老广、港澳客或者移咗民嘅人都要翻转头嚟呢到斩料啦！
旺记烧腊，一间隐身荔枝湾旁边最不似烧腊店嘅特色烧腊店！实惠嘅价格就可以吃到广州最传统嘅烧腊风味，而且品种新鲜多样！！！各位后生仔女看到记得好俾阿妈知叫佢过来帮衬啦~ 仲记得小编去斩料果日，未开市就已经係门口排晒长龙嘅场景，难怪旺记可以係广州烧腊界30几年都屹立不倒啦。不过各位去买烧腊记得要趁早啊！因为呢到D烧腊日日清货，卖晒就要明天请早啦！作为广州为数唔超过十间嘅家族传承老字号烧腊店，你未试过真係妄为广州人啊！快D嚟斩多两味翻屋企加餸啦！
地址：广州市荔湾区逢源路169号(宝盛园斜对面，荔枝湾石牌旁边) 营业时间：10：00-13：00 16：00-售完即止 电话：13005172988 81379875 |
|
|
