寻日,小编咁大个仔,可能叫咗一只令我毕生最爽最销魂嘅鸡!华仔土鸡店,唔好听佢个名咁朴实无华,其实,喺佢淳厚嘅外表之下,隐藏嘅係惊天绝伦嘅绝世好滋味! 呢一间华仔土鸡店讲起身就巴闭啦,短短十年,就开咗8间分店!听老细话,佢哋饭市可以翻3次台!尤其係呢间新开张嘅华仔土鸡万花广场店,环境可以话係最靓噶! 唔讲你唔信,华仔土鸡店呢度,只得五个菜啫!但係就係呢五个菜,为佢赢得全城好口碑,个个食过返转头!究竟有咩秘技,华仔土鸡可以凭呢几个菜发展成街知巷闻嘅餐饮集团呢? 听落咁把炮,仲讲咁多做咩,嗱嗱淋同我上晒你哋店铺D菜啦! 【华仔烧鸡】 华仔呢度上菜上得好快!就算係烧鸡,落order之后15分钟左右就上菜,真係快到无朋友!呢只烧鸡好大只,有成3斤咁重!传统吊烧制法,原只上,保证到鸡肉汁水唔流失。 一只好食嘅烧鸡,火候同鸡肉嘅品质都好紧要,华仔呢度嘅鸡係自己养殖,食谷米大,品质当然唔话得。呢度嘅师傅都做咗十几年,每一只烧鸡都烧到皮脆肉嫩,金黄诱人,叫人点忍得口啊! 食烧鸡,最讲求新鲜趁热食,你可以叫人帮你剪开一件件,不过我就最钟意戴上手套感受手撕嗰钟肉汁横流嘅快感!食谷米大嘅鸡肉果然零舍唔同,肉质好爽韧,一D都唔鞋,好有弹性口感超正!皮脆肉嫩,咬一啖仲有鸡汁喺肉质之间流淌,呢种感觉实在太销魂啦! 【招牌土鸡煲】 服务员一端上台,揭开盖,即刻听到诱人嘅“滋滋”声。放上炉上面继续加热,等鸡肉继续吸收酱汁嘅味道,更加野味! 呢个土鸡煲真係好够风味,食入口好香浓,吸收晒酱汁嘅鲜味,而且肉质好爽好弹牙,好有咬感又唔淋,食咗20几年鸡,都係觉得今日先叫食过鸡!而且份量好大,原只土鸡放入去炆,冇其他配菜滥竽充数,食到底底都係鸡肉! 【招牌土鹅煲】 仲有呢个土鹅煲都好好味噶!因为鹅都係食谷米大嘅,肉质好结实,食起身一D都唔觉得肥腻。 每一件鹅肉都好够味!鹅肉充满弹性,咬起身汁水挤晒出嚟,肉质好丰腴,筋肉布满成件鹅身,就算係炆都炆得好有弹性,充满丰富嘅口感! 鹅肉咁多汁,就算食多几件都唔会腻啊! 食到差唔多,可以叫多份青菜或者腐竹放入煲里面煮一煮,呢D蔬菜都係华仔自己种植嘅,天然健康,食起身会更加有营养好味道。 呢份白菜仔比起我平时食嗰D更加青嫩爽脆!浸过鹅肉嘅酱汁,连青菜都变得好滋味! 【华仔清蒸鱼】 呢条鲩鱼係华仔自己养殖嘅,水库养大,亦都係食谷米大噶,条条都咁肥美,相当矜贵! 食谷米大嘅鱼有咩唔同?咪就係肉质会超级滑嫩咯!呢条鲩鱼,蒸嘅火候掌握得好好,虽然係清蒸,但係完全冇泥腥味,食起身好滑好嫩,唔会鞋口,入口即化,绝对係我有史以来食过最滑嫩嘅鱼! 【特色鱼头煲】 呢个鱼头煲足足有两只大鱼头咁多!最野味嘅食法,就係炆! 鱼头除咗好味道,而且营养仲好丰富,含有蛋白质、钙、磷、铁、维生素B等,对降血脂、健脑及延缓衰老都好有好处噶。 睇下D鱼头肉几多!食起身啖啖肉,鱼肉肉质细嫩,食起身唔会觉得腻,好正斗! 食呢个鱼头,仲有一个好好味嘅食法,就係鱼汁捞饭食!呢度嘅白饭係免费噶,捞起D咁滋味嘅鱼汁,连饭都可以食多几碗啊! 嫌斋食鱼头唔够喉,不妨要一份腐竹落去碌两碌。值得一提嘅係,呢度嘅腐竹都係华仔家乡自己做噶,全人手豆制磨浆,其他地方完全食唔到! 腐竹皮薄好滑溜,食起身豆香味好浓,不愧係自己磨制嘅,唔单止够滑,仲好香喉!蘸满酱汁,真係超好餸饭! 咁正斗,一于叫埋阿爸阿妈三姑六婆叔伯兄弟一齐去劈土鸡啦! |
|