跟动物搭界额上海闲话

上海宁欢喜啥，上海闲话里啥就出现了最多。

侬看看，上海宁最欢喜吃大闸蟹，“蟹”（音近“哈”，二声）在上海闲话当中，出现频率就不少：

蟹

字写了难看，叫“蟹爬”；碰碰缩忒，硬不起来，叫“软脚蟹”；要跟人分一杯羹，叫“掰蟹脚”；勿对头，下勿了口，叫“牛吃蟹”；事体办糟弄僵，勿可挽回，叫“死蟹一只”；死蟹一只有时候也没关系，因为，“叫花子吃死蟹，只只好！”——上海话形容要求交关低，样样侪接受。

对了，还有一种小型油酥饼，跟蟹完全没关系，但是叫“蟹壳黄”。

蟹壳黄

不过，要提醒现在的小年轻，“老蟹”二字要慎用，啥意思？旧时上海人是用“蟹”来代表女性，称年纪轻的小姑娘为“小蟹”，称年老的太太们为“老蟹”，却没有介乎老小之间的“中蟹”。

乌龟

讲了蟹，再来讲讲乌龟，上海话读“wu ju”（音近“乌居”）。

乌龟只要受到一眼眼惊吓，伊个头马上会得缩到乌龟壳里向去，外加要过交关辰光，等伊觉着危险已经过脱了，伊个头才会得慢慢叫个再伸出来。所以上海闲话里，胆小怕事、呒没一眼眼血气，就叫“缩头乌龟”；乌龟不是一定缩忒的，“石头浪向掼乌龟”，就被用来形容“硬碰硬”，“以强硬对强硬”。说到乌龟，上海闲话里还有一个同音的——“白Wu Ju”，是啥？不是乌龟，而是鹅！

为啥这么叫？有一种讲法，实际上应该写为“白护居”，过去养鹅目的为保护家宅。鹅有习性，警惕性很高，一有入侵者就会高声鸣叫，甚至攻击入侵者，有点象狗护居，故称为“白护居”——所以，上海闲话是绝对不能念唐诗的，伐相信？侬现在就读读看，比如鹅鹅鹅，曲项向天歌，换成上海闲话一讲“白乌龟白乌龟白乌龟，头颈别劲朝天叫”！

乌龟的长辈叫甲鱼，这个词也要当心，笔者曾经在未来丈人家里脱口而出，“迭则老甲鱼”，差点婚事吹忒！为啥？“老甲鱼”三个字，是上海闲话中，对老年男人的詈语。

乌龟是乌龟，甲鱼是甲鱼，上图为甲鱼

老虎

上海闲话里老虎的出现频率也不少，而且有各式各样的形容：

老虎头浪拍苍蝇——胆大包天。

雌老虎——形容凶蛮勿讲道理的女人。

老虎窗——上海特有个老式建筑个一部分，拉斜个屋顶开个天窗。

↑

老虎窗

→

老虎灶

老虎灶——上海搭江南地带特有个熟水店，现在多已消失。

老虎肉——高价商品，开价比实际价格高得多个商品。

老虎脚爪——巴掌打人老结棍个，叫请侬吃“老虎脚爪”。不过，还有一种传统早点，也叫“老虎脚爪”，因为伊个外形有眼像老虎个脚爪。

其他

上海闲话里还有一类动物出现频率很高，就是家禽。比如“鸡狗鸡狗”，啥意思？当象声词来讲，就好比“叽咯叽咯”，而十二生肖当中，据说“鸡”和“狗”是“相冲”的，鸡狗碰垃一道，就“鸡狗鸡狗”搞勿清爽哉！再有比如：

黄牛肩胛——老黄牛个体型老大个，不过伊呒没肩胛个，牛头直接连牢牛身体。比喻一个人勿敢承担责任，赛过是“黄牛肩胛”。

黄鱼脑子——黄鱼个脑子是两块白颜色个小石头。比喻一个人勿动脑筋，比喻迭个人老笨个，就讲伊是“黄鱼脑子”。

呒头苍蝇——掐脱头个苍蝇，翅膀还会得扑腾扑腾，勿过飞起来完全呒没方向。比喻一个人做事体方向勿明、呒没计划，东打一拳、西踢一脚，就像“呒头苍蝇”一样。

蓬头狮子——想一想雄性狮子竖起来个一头毛发蓬蓬松松，用伊来形容一个人头发、胡子又长又乱，就像一头雄狮子，蛮形象个。

老虫做亲——“老虫”就是老鼠。搿种动物日里向一般勿大出来活动个，葛末到仔夜里向，就侪是伊拉个市面了。“老虫做亲”，通常就是指深更半夜个辰光忙煞。

蚊子结

蚊子结——“蚊子结”专门用来指一种邪气细小个接头，譬如，垃拉纺织厂里纱线、毛线打结头侪是用“蚊子结”个，搿种接头，勿但接头个外形细小，外加交关牢靠，勿会松脱个。

鸡吃稻柴鸭吃谷，儿孙自有儿孙福——指不必对儿孙作过多呵护。

天浪鲤鱼斑，明朝晒谷勿要翻——云呈鱼鳞状，次日为大晴天。

长脚鸬鹚——戏称瘦长个人。

黄牛角，水牛角，各管各——黄牛和水牛是勿同品种个，所以伊拉个角是勿一样个。这里是指互相勿搭界。

蜻蜓咬尾巴，自吃自——自己开销，勿是吃公家个或者人家个。

脚踏地王老鼠，手捉苍蝇蚊子——动作敏捷，一般人是做勿到个。

蝇荒蚊熟——对农作物收成个一种看法，如果当年苍蝇多了，葛末是荒年；如果当年蚊子多了，乃末是熟年，收成一定好。

瞎猫碰着死老虫——偶然巧合，拨伊碰到了，运气好。

三脚猫——做么都会做一点，但是都勿精通个；还有一个猫，偎灶猫——多指一个人萎靡勿振。

鳗鱼死拉汤罐里，屈死——骂人个话。还有一种意思是受了冤枉，委屈个。

猪头肉，三勿精——啥个侪有一点，但侪勿是老好个。

螺蛳壳里做道场——比喻拉狭小个房间里做事体，施展勿开手脚。

螺狮壳里做道场

逃脱鳗鲡臂膀粗——拉水里用手更加夹勿紧捏勿牢，拨伊逃脱，事后总会有人说伊刚刚捉到个鳗鲡大来，有臂膀搿能粗，形容人夸大其词。

活狲屁股——形容小孩坐勿安稳。

狗屁勿通——形容做人、办事或写文章勿合情理，勿合规矩或逻辑。

装狐样——形容装糊涂的样子。

放龙头——话勿兑现。

老牛皮——老爱吹牛的人。

放鹞子——放风筝上天，比喻准备办个事体呒没着落，放空了；还有个类似的，放白鸽——承诺没兑现，答应个事没办，说话勿算数。

蚊子叮菩萨——看错人头：蚊子看菩萨是人头，叮上去却吃不到血。

老鼠跳进白米囤——尽吃：老鼠喜欢吃大米。伊跳进米囤里当然高兴吃。

鸡爪疯——侬看看鸡个爪子，永远捏勿起拳头来，一个人个手，假使手节头侪像鸡个爪子一样撑开来，抖抖索索个，啊是标标准准个戆大啦？

猪头三——通常用“猪头三”来形容“七勿老起、说话勿像”，“脚高脚低、呒重呒轻”个人，有眼“捧勿起个刘阿斗”个意思。

欢喜拍马屁的人叫“马屁精”，个么马屁没拍好，就是“马屁拍垃马脚浪”，拨马狠狠个踢一脚咯。

部分图片来自网络