 如果侬从来呒没练过瑜伽，勿妨从几个简单个动作开始，早浪厢落起来或者夜里厢困觉前头，困辣辣床高头就能练，动作轻柔缓慢，非常适合初学者。  早浪厢落起来个瑜伽 仰卧束角式  两个脚掌心相对，膝盖着地，双手一手摆辣辣胸口头，一手摆辣辣肚皮眼上头。 吸气辰光肚皮向外头凸起来，同时胸腔阿向外头扩张；呼气辰光肚皮向里厢缩进去，同时胸腔阿向下沉。练搿动作，保持2分钟。 快乐小囡式  抬起双腿，双手拉牢脚底板外侧，膝盖弯曲，膝盖大腿部去碰牢肋排骨两侧，保持头、肩膀、背脊贴牢床，勿要拱起来。练搿动作，保持1分钟。 鹰式手臂  双腿简单盘坐，双手臂绞牢，双手肘贴辣辣床高头，身体往前头，双肋排骨两侧压牢两大腿部，闭拢双眼，保持搿动作1分钟；然后双手臂向另一侧绞牢，重复搿动作1分钟。 困觉前头个瑜伽 单腿头碰膝  坐立，弯曲右腿，左腿伸直脚尖回勾，右脚脚底板踏辣辣左大腿内侧，双手向前，拉牢最远左腿部，保持1分钟；然后右腿伸直，重复前头动作，坚持1分钟。 仰卧穿针式  朝天困辣辣，左腿弯曲，脚踝摆辣辣右腿膝盖上头，双手抱牢右大腿后侧，头、肩膀、背脊贴牢床，保持搿动作1分钟；然后右腿弯曲，脚踝摆辣辣左腿膝盖上头，双手抱牢左大腿后侧，头、肩膀、背脊贴牢床，保持搿动作1分钟。  |
|
|
