 沪语朗读：渺渺如胭 朗读者 来源：新民晚报2019年12月10号 作者：王蔚 上海话改写：郭莉 朗读：渺渺如胭 前两日，杨浦区召开了“诗联创作和诗文吟诵联盟”成立会议，同时还举行了上海市中原中学吟诵课程展示活动，勒勒迭个活动当中，中原中学个张妍群、孙蕴芳两位老师，展示了古诗文吟诵教学个成果，中原中学“非遗传统文化古诗文吟诵工作室”制作个“传统吟诵系列光盘”也同时发布了。杨浦区工农新村小学陈悦老师、张赟华老师、复旦实验中学徐静老师，分别上台进行了吟诵交流展示。 张妍群老师上个课，以“吟出最美读书音”为主题，引领学生展示了《诸子喻山水》《秋水》《前赤壁赋》《声声慢》《梦游天姥吟留别》等等诗文个吟诵学习成果。张老师讲：“吟诵勿是表演，勿是作秀，而是一种自我内心个表达，大家侪想拿吟诵带进日常生活，吟出最美个读书音。” 孙蕴芳老师上个课，以“沪语读书音吟诵”为主题，伊讲：“上海方言有音韵方面个优势，保留了入声，语音显得更加丰富，声调起伏更加明显，同时迭个也是我伲个家乡语音，是当代人跟自家脚底下搿块土地个无形联系。” 杨浦区语文教研员王玮认为，搿趟展示个吟诵课，声音真个是忒好听了，简直让伊自家沉醉进去，勿能自拔了。现在，中原中学语文团队能够搿能介个对传统文化一直坚守勒海，是邪气值得敬佩个、应该好好叫向伊拉学习个。希望迭个一次活动，能够起到拿吟诵个教学方式搭仔读书形式向全区学堂传播、推广个作用。 张妍群老师介绍，中原中学个“非遗传承项目古诗文吟诵工作室”是2018年9月，经上海市教委审批通过个，现在有大量资料向大家展示。吟诵工作室成立以来，做个各项工作，包括吟诵课程设置、组织市级区级吟诵交流活动、出版传统吟诵光盘、采访以及录制名家吟诵音频，还有保存各种吟诵资料等等。 中原中学党支部书记陈美莲介绍，新成立个“诗联创作和诗文吟诵联盟”，是勒杨浦区教育局领导下，由教育系统内部，热爱诗联创作以及诗文吟诵个单位，自愿组成个公益性组织，迭个组织致力于传承搭仔弘扬中华优秀传统文化，还拿诗联创作搭仔古诗文传统吟诵融入到当前个教学内容里向去。 教育部“中华古诗文吟诵与创作基地”常务副主任、上海大学文学院副院长姚蓉教授认为：“为了拿传统文化带进校园迭个共同目标，大家走到了一道，希望将来中小学搭仔高校能够进一步通力协作，推广、传播“吟诵”迭种宝贵个文化遗产。” 杨浦区教育学院朱清一书记表示：正是由于几位吟诵推广个专家：刘德隆、杨先国、陈以鸿等先生个积极引领，由于联盟内各家学堂校长个支持，再加上基层语文教师十几年全身心个“愿意”搭仔坚守，终于让大家迎来了今朝“最是橙黄橘绿时”个收获。 上海市教委语管处凌晓凤处长讲，中原中学扎扎实实做传统文化传承保护方面个工作，实在是相当有意义个。明年市语委还要推出一系列中华经典个读书比赛，要积极支持社会各界传承、保护中华文化，使得优秀个中华文化代代相传。  图片来自网络 吴侬细语吟诗词歌赋 往期回顾： “上海言话讲起来”旨在传播沪语，若有不当之处，敬请留言指正。 感谢您的支持转发，欢迎关注本公众号
|
|
|
来自： 渺渺m69vnzsah9 > 《待分类》
