 沪语诵读：郭健 作者：薛理勇 沪语改写、诵读：郭健 19世纪80年代初，英商上海自来水公司成立，1883年6月29号正式放水，李鸿章参加了放水典礼。该厂生产个自来水也只供应拨公共租界。后首来，法租界也另行建立了法商自来水厂。又譬如，1882年，英商建立上海电光公司，也就是后首来个上海电力公司；勿久，法租界也成立了自家个电力公司。伊个辰光，英租界按照英国个电力系统使用220伏电压，而法租界是根据法国个电力系统使用110伏电压，两者无法并网。再讲，勒“大英法兰西，大家勿来去”个形势下头，两个租界个电力也勿可能并网。问题开始接踵而来。 20世纪后，公共租界搭仔法租界几乎同时开始建设有轨电车，觉着电力驱动个电车可以勿停个工作，行驶老远个距离；而且，从城市交通、方便市民出行，甚至是商业营运成本来讲，英、法两个租界个电车应该要接轨、并网。后首来，经过协商搭谈判，双方侪同意对方个电车线路进入自家一方个区域内，又拿上海个电车线路做了规划搭调整。法租界更加是作出让步，同意法商个电车电压改为220伏，搿能末好搭英商电车公司保持一致。好比讲，英商个3路电车从十六铺，就是东门市场，勒法租界东面搭华界个交界地方发车，沿牢法兰西外滩（现在个中山东二路）、英租界外滩，过外白渡桥后朝东，再沿牢百老汇路（即大名路）、杨树浦路到杨树浦底。搿能末，电车穿越了租界，“大英法兰西，大家勿来去”个局面再有所打破。 历史浪个上海是江南水乡城邑。近代以后，上海个城市近代化进程加快，大规模个城市道路建设拿原来个河浜截成功几段，河浜个源头搭出口侪拨截断，活河浜变成功了死河浜；另外，城市人口个爆增，每日天个生活垃圾随意厾到河浜里，也加速了河浜个污染搭仔淤堵。所以，从19世纪末20世纪初，上海开始了规模性个填浜筑路。洋泾浜是英、法租界个界河，“主权”各归一半。葛末，填浜筑路个费用由啥人承担，哪能分配建设资金就成了问题；填浜筑路以后，取啥个路名又成为了更大个问题。经过多次协商，双方终于达成一致。1914年填洋泾浜筑路工程正式开工，1916年完成，就拿英国国王爱德华七世个名字取名Avenue Edward Ⅶ，但用法文拼读译写成为“爱多亚路”。 爱德华七世是一位邪气受人爱戴个大不列颠和爱尔兰君主，以讲究穿着、喜爱交际、为人和蔼可亲著称。由于历史原因，英、法关系长期处于对立搭僵持状态。1901年爱德华七世继承王位后，着手修复英、法关系。1902年伊出访欧洲，专程访问法国，勒巴黎举行个宴会浪，伊用法语致辞，搿个做法有助于改善法国民众对英、法关系个看法，爱德华七世也赢得了法国人民个尊敬。所以勒1914年个辰光，距爱德华七世逝世只有几年，洋泾浜填浜筑路个谈判当中，勒上海个英国人搭法国人侪同意用搿种方式缅怀搭纪念爱德华七世。 有趣个是，“洋泾浜”勒沪语当中有勿伦勿类、勿二勿三、“样勿样，腔勿腔”之义。搿条填洋泾浜而筑成个马路，用英国国王爱德华七世个名字命名，但用法文拼读成“爱多亚路”，从搿点来看也确实有眼“洋泾浜”兮兮个。再后来，1943年，汪伪时期拿“爱多亚路”改名为“大上海路”。1945年抗战胜利以后改为“中正东路”。1949年以后又用延安命名为“延安东路”。 近几年，对上海历史感兴趣个人越来越多，有眼人又根据外文拿“爱多亚路”改叫成“爱德华七世大道”，反而让交关“老上海”大叫“看勿懂”。搿或许又应该是属于新“洋泾浜”现象了伐。 往期回顾： 图 / 编辑：渺渺
|
|
|
来自： 渺渺m69vnzsah9 > 《待分类》
