【沪语悦读】旧上海“戏场子”有几化

贺兰山民图书馆 2021-08-31

展开全文

上海老底子每天呈送精彩文章一组

打开尘封的记忆，寻觅往昔的岁月

叙上海老底子事 忆上海老底子人

诉上海老底子情

旧上海“戏场子”

有几化

作者：王建运

沪语改写：冯济民

诵读：冯蓉

文字修正、推荐：丁迪蒙

编辑：王乙其

（上）

点击下方收听音频，时长6分38秒。

1843年上海开埠以来，各地移民搭商贾云集，人口急增。随着经济迅速发展，文化消遣也成为人们工作搭茶余饭后个需求。其中来自各地方个戏剧，勒影视业还勿曾发达个当年，相当长时期里成为市民娱乐活动个首选。

旧上海个戏场子里真所谓“百戏俱陈”无所勿有，而且雅俗咸宜。勒聚集人气方面首选为平剧，即老早叫京戏。老早京戏开锣到散场，一般侪勒五六个钟头介长，名角名伶非到最后压轴戏辰光再出场，迭勿能勿讲是京剧后来遭到冷落致命个地方。抗战胜利后，越剧、沪剧上座率直追京剧，主要是占尽人地之利。当时营业额已超过京剧。

话剧老早叫文明戏，战后勒申城也沉寂，可能是剧本创作人员奇缺个原因。除以上外，沪浪还有维扬戏、常锡戏、江淮戏、黄梅戏、滑稽戏、粵剧、甬剧、昆剧、评弹、苏滩等拥有大量观众。但抗战后侪勿振作，追究伊原因，勿是缺乏名角号召力，就是缺乏资金周转一直到呒没固定演出场所，搭从业人员缺少求精个创新，以及当时受西方电影业冲击原故，也大有关联。当年上海风行个几大剧种及专用剧场，现在大多数人已经印象模糊勿清了，甚至从记忆中消失了。但作为一种曾经留存个海派文化历史现象，阿拉勿应当忘记。

现在拿当年情况寻踪列于下面：平剧，也叫京剧。原有7家专用剧场，民国卅七年（1948），黄金大剧院改为电影院后只剩6家，其中皇后大戏院有辰光也改放映电影。大舞台、共舞台两家戏院常演连台海派戏，以注重灯光设计及机关布景著称，常一开幕便获得满堂彩，有“新式开打，搏杀结棍”之称。中国、天蟾两家戏院则演出介于海派搭京朝派个剧目，也演连本戏。两戏院场子大、座位多，是沪浪各平剧院之冠。各平剧院除礼拜日外勿演日场，每日夜里6点钟开锣，到半夜11点左右散场，名角儿大多勒10点左右登台。当年迭6家戏院名称搭地址：大舞台（九江路663号）、小广寒（兼演滑稽戏，福州路515号）、天蟾舞台（福州路701号）、共舞台（中正东路433号）、中国大戏院（牛庄路704号）、皇后大戏院（西藏中路290号）。越剧，即绍兴文戏，又称“滴笃班”，勒上海大世界首演成功后，风行于江浙沪各大城市，内容多为“落难公子中状元，私定终身后花园”一类。有男女合演，也有全部由女子扮演，甚至以色情招徕观众。伊演出竭力摹仿话剧方式，考究灯光布景及服装化妆。上海沦陷时期是伊个黄金时代，抗战胜利后慢慢叫勿振，以改编沪浪“鸳鸯蝴蝶派”或新小说为剧本，有新海派戏曲之称。伊个专用剧场以九星、明星两大戏院为首。

以下是各越剧戏院地址：

九星大戏院（中正中路359号）、明星大戏院（黄河路301号）、龙门大戏院（中正东路665号）、国泰越剧场（西藏中路大新公司对面）、同孚越剧院（中正北一路243号）、同乐剧场（顺昌路315号）、光明剧场（愚园路静安商场内）、星光大剧院（重庆南路卢家湾）、新都剧场（康定路577号）、红星剧场（中华路方浜路）、明园（兼演沪剧，南市城隍庙小世界原址）、浙东大戏院（北京东路宋家弄）、老闸大戏院（福建中路574号）、芷江大戏院（海防路527号）、虹口大戏院（乍浦路384号）、恒雅大戏院（西藏南路58号）。

（下）

点击下方收听音频，时长6分35秒。

沪剧，又称本地滩簧。比较有名个专用剧场是施家沪剧团常驻个新都、卢山两家。文滨沪剧团常驻个是中央、恩派亚两家，中艺沪剧团则常驻皇后戏院。以上各剧场也勿是一个沪剧团固定使用，有辰光各个团轮流换用，以提高新剧目上座率。以下是各沪剧戏院地址：

新都剧场（新新公司六楼）、中央大剧院（北海路247号）、卢山剧院（中正中路浦东同乡会）、皇后戏院（南京西路1号）、恩派亚戏院（林森中路85号）、西门剧院（中华西路纪念塔）。

滑稽戏，又称杂剧。最出名戏是《小山东到上海》，演出方式、灯光布景、道具等搭话剧相同。伊个特色是幽默讽刺、喜笑怒骂，各地方言脱口而出，以博观众哄堂大笑个效果。演员有电台播音员、演文明戏者、唱独脚戏者，形形色色，一应俱全。戏班子多数是临时拼凑，又有辰光聚有辰光散。沪浪伊专用剧场是金国大戏院（南京西路金国商场里），其他剧场有：国际大戏院（国际饭店东面）、时代歌场（九江路556号）。

话剧，又称文明戏。五四运动后，话剧曾风靡于申城，光演出个专用剧场有10多家。抗战胜利之后大部分班子失散，话剧演员纷纷转行，其中转入电影界勿勒少数，所以剩下来个演员也寥寥无几。当时演出剧场以兰心戏院设施最好，但迭个戏院又常庄供歌剧或音乐会专用。话剧观众大多以知识分子为重，可悲个是迭个阶层当时又是最穷个，基本呒没闲钞票观赏戏剧，加上抗战胜利之后，以“慷慨激昂，唤醒民众”迭类戏剧为主，百姓已勿再感兴趣，只能以“升官发财、捉鬼传”之类戏维持，所以引勿起关注，导致话剧勒上海消沉，一落千丈。当年常演话剧个3个剧场：光华剧院（中正东路1440号）、兰心剧院（茂名南路101号）、东方剧场（兼演沪剧，东方饭店二楼）。

常锡戏，包含江淮戏、扬州戏等。搿眼戏侪呒专用剧场供伊演出，主要集中勒伊个地方籍贯集中个劳工居住地，勒僻远个小剧场里演出，比方，长阳路高郎桥、江浦路等，其中沪宁戏院有沪东淮剧搭扬剧“第一戏台”之称。迭个戏院位于黄浦江支流兰州河高郎桥桥堍一条死弄堂里，门外是清一色“弹格路”，剧场里座位是由低至高个通铺硬板凳，长期缺乏清洗龌龊得勿得了，甚至有臭虫，但是每日天仍旧观众云集。假使有江淮戏个名角偶尔来串串场子，则“客满”灯笼老早八早就高高挂起了。还有杨树浦路顺兴街个胜利戏院、曹家渡、五角场个三民戏院搭福园戏场、西康路新会路个明月楼等，侪是申城底层劳苦大众文化戏曲消遣个场所。

从上述专用剧场分布量看，勿难发现当年沪上越剧、常锡戏，包括江淮戏搭扬剧个戏迷拥有量，占居了申城戏剧爱好者2/3人数，其中，仅越剧一项人数甚至已大大超出了申城个地方戏─沪剧，迭也从一个侧面反映了上海市民个原籍，以江渐一带移民居多个原故。尽管当年迭眼戏迷欢喜出入个侪是眼中低档次剧场，甚至处于冷僻地段小巷内里个简陋戏棚，但伊拉照样拿戏看得滋滋有味、乐此勿疲。

现代人千万勿要小看了以上迭眼小剧场，当年伊拉勿仅承担了大量社会底层人个文化消费需要，勒传播最基本个道德操守方面，也发挥了重要个载体作用，比方阿拉经常见到一眼老爷爷、老阿奶，伊拉文化程度勿高甚至是文盲，但至今仍旧会得引用当年旧戏剧中个“戏文”来教育年轻小辈，啥个事体好做，啥个亊体勿好做。