|
1. 文記車仔麵
福榮街有一檔車仔麵，只要係深水埗地膽，你一定食過！
呢度有超過50款配菜，連麵底都有十幾款，選擇超多～
小編至愛推介：瑞士雞翼、白蘿蔔、豬大腸、金錢肚、牛腩、豬手、辣魷魚，超高質！
值得一提，佢嘅湯底亦係自家製！
沙嗲湯底同瑞士汁湯底一樣咁正！必試！
INFO.
地址：深水埗福榮街121號地下 ================================== 2. Burgerman
周圍都有漢堡專門店，深水埗亦有！
呢間小店出品嘅黑松露和牛漢堡亦係真材實料！
和牛好大塊，煎到七、八成熟左右，咬落口好juicy～
仲有煎蛋＋微溶芝士帶出鹹香味，真係好食到停唔到口！
INFO.
地址：深水埗欽州街65-71號地下 ================================== 3. 劉森記麵家
呢間老字號嘅蝦子麵相信係唔少香港人嘅童年回憶～
蝦子鋪滿成個撈麵～
金黃色嘅傳統竹昇麵食落好爽口，鹼水味亦唔重～
再配埋薑蔥同適量豉油去調味，一試難忘！
檯上嘅自家製醃蘿蔔亦係要試！酸酸甜甜，仲好爽脆，好食到上癮啊！
INFO.
地址：深水埗桂林街48號地下 ================================== 4. M.Y Majesty
呢間Cafe嘅意粉大大碟好抵食，絕對係窮人恩物！
六款意粉款式任你揀～
賣相唔錯，份量十足！
唔係講笑～細食嘅朋友兩個人share都夠飽！
INFO.
地址：深水埗福華街15號地舖 ================================== 5. 新香園（堅記）
深水埗有一間出哂名食蛋牛治嘅茶記！
牛肉餡係用新鮮免治牛肉製成，足料有咬口！
雞蛋唔會煎得太老，有蛋汁喺入面！鍾意滑啲可以轉滑蛋！
仲有好香嘅牛油味～
記得要叫埋烘底，脆卜卜好好食！
只此一間！就在深水埗！
INFO.
地址: 深水埗桂林街38號A地下 ================================== 6. 誠記小籠包拉麵
食上海嘢點可以唔嚟呢間隱世上海食店！
特別係佢嘅爆汁小籠包！絕對係必點！
即叫即蒸，新鮮又熱辣，仲要係皮薄餡靚！高水準！
仲有生煎包、擔擔麵都唔錯㗎，下次一於去試吓啦！
INFO.
地址：深水埗欽洲街58號米蘭軒地下 ================================== 7. 宗像屋
講起日本美食，咁深水埗宗像屋一定唔可以錯過！
呢間小店嘅位置相當隱蔽，就算係成日去深水埗都未必察覺到～
佢嘅日本丼飯-宗像丼（特上）真心高CP值！
仲有3種食法添：當傳統魚生飯咁食、配紫菜變自製手卷、加熱湯作為茶漬飯～
偶然食好嘢、慰勞一吓自己都唔算好過分姐～
INFO.
地址：深水埗青山道60號地下B舖
|
