“徐家汇”个“汇”来源：新民晚报新民网编辑：田诗雍 文/宜青  
上世纪60年代徐家汇街景 明代杰出个科学家、政治家徐光启勒嘉靖四十一年（1562年）出生勒上海县城个城厢，勒垃崇祯六年（1633年）卒于北京，朝廷派专使护送由其子扶柩南返家乡上海。徐光启个棺木暂厝于县城大南门外个双（桑）园别墅。到八年以后，即崇祯十四年始将其安葬于上海城西地属高昌乡二十八保个“肇家浜北原”。搿个一带相近，也正是肇家浜、蒲汇塘、李枞泾三河个交汇之处，因徐光启墓葬所在，其后代又勒垃搿搭繁衍，乃末当地就出现了“徐家汇”个地名。 “徐家汇”到近代上海开埠以后开始大举兴起。1847年初，天主教耶稣会决定勒垃此地兴建新个耶稣会总院。以其为起点，以后勒垃周围陆续又造起了大教堂、大小修院、圣母院、博物馆、天文台、孤儿院、工场画馆等，徐家汇逐步形成为一个以大教堂为中心搭标志个大型教会区。太平天国起义期间，西乡难民大批朝搿搭迁移，其中勿少人就留居勒此地，乃末徐家汇一带原先个农耕地域中，开始出现新个聚落搭仔各种摊肆，与教区相邻，自然个形成了一个新个市镇——“徐家汇市”。1914年法租界完成第三次扩张，西界推进到了搿搭，徐家汇地区加快城镇化，水、电、邮政电讯、有轨电车咾啥公用设施侪逐步推广到搿搭，地区开始呈现繁荣气象。不过，随着城镇化个推进，大量人口个涌入，原先处于乡村之间个水流逐渐污染，河道日益淤浅变窄，也就是讲，徐家汇个“水”之“汇”勒垃自然个走向萎缩。然而也正因迭个城镇化个加大，推动“陆”之“汇”，即陆上交通个进步。 早勒同治元年至三年（1862-1864年）间，搭清军结为一伙个英美当局，为协同抵御太平军个进攻，越出租界，从静安寺向徐家汇兴建了一条南北向个军路，同时，法租界当局也同样越界从县城向徐家汇开辟了一条东西向个军路。迭个两条军路因侪是通往徐家汇个，所以当时侪称为“徐家汇路”。徐家汇顿时成了两条长道个交结点，形成了一个陆路之“汇”。勿久，搭太平天国个战争结束，搿两条军路一道侪改成了公共性个“马路”，勒垃上海城外个东西向、南北向个交通中，发挥着重要个作用（为避免重名，公共租界勒垃1921年拿己方个“徐家汇路”改名为“海格路”，1943年又易名为“华山路”；法租界个徐家汇路勒垃肇家浜填没后，西面路段就统称为“肇嘉浜路”）。 但徐家汇个迭个陆路之“汇”并呒没到此为止，以后伊还继续得到拓展搭强化。勒垃徐家汇个南面，1914年上海工巡捐局辟筑漕溪路，通向漕河泾镇，1922年勒垃海格路搭徐家汇路个夹角中斜向又增添了一条“贝当路”（1943年改名为“衡山路”）。迭能，徐家汇四条大道相汇，终于跃为上海西部一个特大个陆路交通枢纽。 大家晓得，凡交通枢纽之地，必是人口汇聚、商业繁衍之区。徐家汇个商业网自从清末后逐渐兴起、展开、张大，搿一地区终于成长衍变为上海个一大商业中心。显然，先“水”而“陆”个聚汇之势造就了伊，丰富厚重个历史文化积淀滋润着伊，使伊更加个光彩夺目。 （新民网编辑：田诗雍）
|
