|
这一年大雪 留下了多少 回忆 埋葬 多少记忆 我们把雪景定格 | 诗歌一首 | 故事一篇 | 清歌一曲 | 唯见 姑苏 雪  北宋庆历四年，该一日是进奏院祠神个日脚，苏舜钦作为集贤校理监进奏院，拿卖旧公文纸头个公款招妓聚饮，宴请同僚宾客，虽然讲实梗是弗合法个，但不过也算得上是当朝惯例。 △ 宋朝宴饮图 当时辰光，朝里个保守派御史中丞王拱辰等几個人，对宰相杜衍、参知政事范仲淹、枢密副使富弼等人的改革老早心怀不满。 苏舜钦当年是因为范仲淹个举荐入朝该，又是杜衍个女婿，搿勒保守派笃就抓住该件事体，借题发挥，弹劾，讲俚监主自盗。 苏舜钦马上就拨罢官，搭俚一样拨驱逐出朝个共总有十来个人。 区区小事，竟得实梗严惩，就算是今朝看来，保守派个动静也是大仔点，该桩事体勒当时个朝野上下，板定引起仔轩然大波，而作为当事人个苏舜钦也是激愤不己，自此一蹶不振。 △ 淮中晚泊犊头 第二年，苏舜钦迁到吴中，就是现在个苏州。 搿辰光个苏州正好是大热天，殟塞热。苏舜钦就泛舟南园，勒海文庙东面看见一块荒地，凭舟眺望，所见侪是古雅壮丽，山浪古木森郁，青翠欲滴，外加近旁呒不民居，着是幽僻。 实梗个好景，勒海当时落魄个苏舜钦看来，赛过城市山林，仙境桃源，自然流连忘返。 据打听，该搭是五代吴越国孙承佑造个别墅遗址，而短短七八十年间已经变成仔一片荒地。 自罢官以来，愤懑搭抑郁一径压勒俚个心头，他毕竟是文人，心有弗甘，力图解脱。 △ 春郊泛舟 自古文人多寄情山水，苏舜钦碰着实梗美境，马上就被吸引则，俚就化仔四万青钱(约合黄金十两)拿该块三面临水个山地买仔下来，着手翻建。 又勒海北面河边浪临水个地方造仔一座亭子，取“清斯濯缨，浊斯濯足”个意思取名沧浪亭。 得此佳境，苏舜钦个心稍稍平复，老朋友欧阳修应邀作长诗《沧浪亭》，当中有一句“清风明月本无价，可惜只卖四万钱”听起来有点酸溜溜，可想沧浪亭之美引得老朋友们侪眼热煞，着实是佳丽地。 △ 沧浪亭水面 多年以后，苏舜钦又途经姑苏，得见当年个美景，不由想起贬谪到苏州个日子。 面对苏州秀丽个风光，俚不想周折则，但不过身勒羁旅，只好听天由命。 想起来当年拨贬谪，流寓苏州造沧浪亭，想起当年搭欧阳修一淘作诗吟词，共叹命运。 “清风明月本无价，可惜只卖四万钱！”，面对旧事旧物，苏舜钦感慨万分，写仔一篇《过苏州》。 “绿杨白鹭俱自得，近水远山皆有情”，就是来赞美搭自然亲近个苏州。 △ 沧浪亭 苏舜钦之后，沧浪亭搭苏州其他园林个命运一样，几易其主，几经兴衰。 1827年,梁章钜亦重修沧浪亭，集苏舜钦、欧阳修诗句而成楹联“清风明月本无价，近水远山皆有情”，两联可谓写尽仔沧浪亭情景交融个风月山水，道出仔自古文人对清风明月，自然个向往。 - FIN - 文 | 叶嘉剑 这样的故事 还有很多 如果你喜欢 不妨和我们一起 细细回溯 这一场丁酉大雪 踏过宋元 到明清 线上购买 线下购买 慢书房 姑苏区蔡汇河头4号 悦未来创客空间 姑苏区朱家园14号 大露台青年旅舍 姑苏区平江路306号平江大院3层 高新区文体中心 虎丘区太湖大道999号 艾伯特的书店 工业园区文博广场商业中心 iStation地铁2号口出口地下1层 4.19-22创博会进行时 也欢迎前去寻找我们的身影 |
|
|
