|
上海老底子每天呈送精彩文章一组 打开尘封的记忆，寻觅往昔的岁月
叙上海老底子事 忆上海老底子人 诉上海老底子情  上海， 咖啡个前世今生 作者：酷鱼老板 沪语改写、讲述、制作：姚琳 点击下方收听音频， 时长3分42秒。 “ELLa，帮我去买杯咖啡。”“好个，姚总。” “瑜老板，我勒咖啡馆两楼等侬。”“马上就来。” 搿两句闲话是不是听起来亲切熟悉？今朝阿拉来茄一茄咖啡个话题。
据报道，上海咖啡店个数量位居世界第一，已经接近7900家，拿纽约、伦敦、巴黎全部抛勒后头，遥遥领先。目前，上海居民人均每年吃咖啡20杯以上，年消费量比北京、广州、深圳个总量还要多。 咖啡是从西方引进过来个，19世纪初，英国传教士马礼逊勒勒编《英华字典》个辰光，头一趟拿coffee翻译成“咖啡”。19世纪中叶，咖啡开始抢占大上海，最早个咖啡馆是洋人开个，顾客是外籍侨民。当时个上海，华洋杂处，西方个新鲜事物容易吸引各个阶层个注意力。咖啡搿种舶来品马上赢得了上海市民个青睐，到了20世纪二三十年代，勒淮海路、四川北路、西藏中路，咖啡馆悄然兴盛，商人、职员、记者、小开是主要个消费群体。可见，咖啡老老早早就融入到上海文化个肌理。 相比较而言，咖啡馆更加适合私密眼个交际，呒没酒楼茶馆介喧闹嘈杂。浓郁个咖啡香气，时髦个火车卡座，轻柔个背景音乐，让新兴个市民阶层流连忘返。京派作家老舍先生写了《茶馆》，绍兴籍个鲁迅先生写了《勒酒楼浪》，假使是上海作家，肯定写个是《咖啡馆个故事》。 “旧时西方稀罕物，飞入寻常百姓家。”咖啡勒上海已经远远叫勿罢是一种提神个消费饮品，伊是小资情调个标配，是国际化文明个象征，更加是逐步融入到了城市基因，成为传递城市温度、彰显海派文化个符号。 一代人有得一人个“咖啡情缘”，八九十年代招待客人用个侪是瓶装个速溶咖啡；乃现在呢，阿拉更加看中咖啡个产地，啥个蓝山咖啡咾、琥爵咖啡咾、猫污咖啡咾啥。咖啡名词也是层出勿穷，像摩卡、拿铁、美式、卡布奇诺、焦糖。
为啥体大家侪喜欢泡勒咖啡馆里？因为侬可以寻着最自然个状态，今朝新闻里报道，中国咖啡行业头一位技师勒上海诞生；咖啡师国家级教材编写工作正式启动，代表“上海标准”走向全国。 有人讲爱像烈酒，让侬迷失方向；也有人讲爱像Cappuccino，诱人得来爱勿释手。从深秋到初冬，是自然个节奏；手里捏一杯咖啡，是醇香个味道，烟火谋生，诗意谋爱。
（本文朗读者） 朗读者简介：姚琳，十余年深耕上海话、对外汉语、成人英语等教学。对外汉语本科，语言学硕士（主攻上海方言教学研究），师从著名沪语专家丁迪蒙教授。南风杯沪语大赛十优，曾受访《青年报》，参加国家语委项目“中国语言资源有声资源库上海库”，担任海派文化研究中心秘书。曾为上海自贸区和多家跨国企业提供翻译服务，为摩根士丹利等世界500强企业提供语言培训服务。声音作品《乳腐》被收录于2022年出版的沪语小说《弄堂》。发表论文：《上海方言的组合式谓补结构》、《三十年来上海方言词汇新发展——以詈语为例》。持有全国普通话水平二甲证书，TEFL英语教师证，日语N2证书，谷歌杯益暖中华创意大赛优胜等。 来源：“吳越小豬”公众号 |
|
|
