  只要吾伲侪都是有心人个闲话，还只要是吾伲用心个观察一下生活当中个林林总总，自然而然就会得去发觉迭能一桩事体个。   勒拉华夏大地个上头，又掀起勒一股交关浓厚个复古之风哦，就勒拉其中之一是啥么事呢？！就是－－勒拉老底子邪气流行个“假领头”，自从消失忒一段辰光以后，今早仔又畀重新挖掘、重新流行起唻勒，市面浪向假领头交关琳琅满目，邪气容易让人挑花眼睛。   吾是一个土生土长个上海人，只为确认信息个真搭假，有认真个去查询过个，对于“假领头”个发源地，实际浪向就勒拉吾所在个城市上海市，是由“上海人”勒拉20世纪个70年代末期发明个。   吾还要讲迭能一句闲话，迭个就是－－之所以勒拉掰搿辰光个上海人，会发明像“假领头”迭种邪气简易类型个衣裳，顶主要个一个原因是啥么事呢？！侪是因为勒拉掰搿辰光个中国，国家搭老百姓还侪是处勒拉“计划经济时期”个里向，国家勒拉各个方面还都是属于交关落后个，人民日益增长个物质文化方面个需要，搭落后个社会生产力之间，还产生勒邪气大个矛盾唻！老百姓勒拉买卖绝大多数个商品搭食用品个辰光，基本浪向，既需要凭票证供应，还要限量去供应，而且勒拉掰搿辰光、勒拉俗常生活中，处处侪离不开各种票证。   就拿像穿衣裳迭桩事体唻讲伐，需要购买到料作以后，侪能够去制作一件衣裳。然而，覅管是个人，还是家庭，勒拉购买料作个辰光，侪是需要凭布票唻供应个，呒没布票个闲话是买覅着料作个。吾还查询到迭能一条历史方面个信息哩，勒拉20世纪70年代个辰光，国家按人口每人每年也仅仅只有六尺布票，一斤棉票，布也呒没细分为棉，麻，丝等类。覅管是大人搭小孩还是老年人，侪是迭能样子个。  勒拉计划经济个年代里向，对于绝大多数个老百姓唻讲伐，伊本人就算畀一年个布票侪积攒下唻个闲话，也照样是覅能够去制作一件衣裳，而且勒拉掰搿辰光布票也是有时效性个，一旦过期以后也是买覅到料作个，因此讲只为解决老百姓所获得个料作，还覅够去制作一件衣裳或衬衫方面个难题，聪明个上海人就发明出“假领头”。 除忒吾勒上头所说个内容以外，吾还查询到迭能一条有关于“布票”方面个历史信息，新中国是从1953年开始执行“布票”迭种制度个，伊个辰光长达30年，一直到1983年个辰光侪予以取消忒。 有交关多个人覅一定会晓得迭能一桩事体，迭个就是－－“假领子”三个字只畀过是普通闲话个讲法，为个就是便于全国人民侪能去听得懂伊、弄得明白而已，勒拉吾所在个城市上海市－－欢喜畀“假领子”叫做“假领头”。因此讲“假领子（头）”又畀掰搿辰光个全国人民叫做“节约领”，嘎么假领子（头）是啥么事呢？！“假领子（头）”并覅是指衣裳个“领子”是假个、是呒没“领子”个，而是真正有领子个，像迭种类型个衣裳，虽说覅好算作一件真正个内衣衣裳，但畀过“假领子（头）”又覅光只有一个领子，伊还有前襟、后片、扣子搭扣眼，只是去保留内衣上半部分当中个一小半截，穿勒拉外衣个里向能达到以假乱真，露出个衣领部分完全搭衬衣相同。 吾始终都是迭能唻理解、认得并去认为个，覅管是处勒拉阿里一种社会阶层里向个人群搭个人，老百姓侪会得对各式各样个假冒伪劣商品产生深恶痛绝之情哦，也侪会得充满着一股憎恨之情唻，更是深受其害！唯独对于两样么事（商品）却是例外个，一样是假牙齿，另外一样迭个就是－－勒拉20世纪70年代末期，由上海人发明个“假领子（头）”。虽然讲“假领子（头）”也可算勒拉服装个范畴里向，也带有一个“假”字，一经推出却受到大家个欢迎，还流行交关长个一段辰光，从20世纪个70年代末期到20世纪个80年代末期。 据吾所了解到个情况以后，就晓得迭能一种情况，勒拉刚刚开始流行个辰光，假领子（头）只畀过是勒拉上海市范围内流行起唻，然后再由上海市辐射到江浙两省地区，到后末唻侪勒拉全国范围内流行起唻，一经流行，真可谓是风靡全国，覅管男女，大家侪想拥有几件“假领子（头）”。之所以会变得邪气风靡，侪因为当时国家还处勒拉计划经济时期，分摊到每家每户个料作，覅够去做一件衬衫，是有得关系个。还有个就是，假领子（头）覅仅穿勒身浪向显得美观大方，还可以天天变着花样去穿，更为俗常生活注入一抹靓丽个色彩！ 当代文坛大师鲁迅先生曾讲过迭能一句闲话，讲道：“面子是中国人个精神纲领。”勒拉伊个“穷则思变”“匮也思变”“百废待举”个大时代背景下头，外加勒拉掰搿辰光国家还处勒拉计划经济时期，所有个一切侪需要凭各种票证唻供应，老百姓身浪向所穿个各种衣裳也是迭能样子个，当物质匮乏至极，甚至于降临到冰点个辰光，既只为去对付个人个“面子工程”；又只为能勒拉“最小个代价下头”，去获取“最大个利益值”；还只为勒拉内部捉襟见肘个辰光，个人依旧能保持穿衣裳辰光个“一份矜持搭体面”；哪怕“迭份矜持搭体面”，既是畀硬生生伪装出唻个；还是属于一份极其无奈之举；又是呒没办法而去做个；也只能是勉为其难个硬着头皮去操作哦！于是乎，勒拉三股思潮个频频夹击下头，“假领子（头）”就孕育而生！ 吾还想去讲迭能一句闲话，也只有勒拉上海迭座城市侪能去发明“假领子（头）”，要是畀挪移到其他省市，就覅一定去发明出唻，吾勒拉讲迭句闲话个辰光，倒并覅是看覅起其他省市个人哦，而是因为1843年11月17日上海开埠，伊是根据《南京条约》搭《五口通商章程》规定去开埠个，一直延续到今早仔，还依旧保持着“时尚之都”搭“东方巴黎”个美誉，上海迭座城市勒拉呒没搞改革开放前头，一直侪是“全国个风向标”，只有先勒拉上海流行起唻个衣食住行，侪会畀推广到全国，穿衣裳也是迭能样子个，即便到今早仔依旧是迭能样子个，全世界流行穿啥个衣裳，覅到半年辰光眼扳数率先勒拉上海流行起唻！从全国范围内唻看，上海人邪气讲究自家个“面子工程”，即便勒拉“十年动乱”期间也呒没例外个，无论勒拉啥个辰光里向，去判断某人是覅是一个上海人，从穿衣风格就能体现出唻，上海人个穿衣风格，总是搭外省市侪有着细小细微之处个差别，总会穿出与众覅同搭别样个风格唻！比方讲：勒拉“十年动乱”里向，会勒拉衣领个上头去翻花样，覅仅领子会畀修剪成为“小翻领”型个，要是女生（士）穿有衬衫个闲话，衬衫个领子眼扳数是翻勒拉外套个外头，之所以上海人要迭能去操作，既显示出与众覅同之处，还能体现面子工程，迭能穿衣显得自家挺有面子个一桩事体，也显得光彩照人。 自从“假领子（头）”畀发明出唻以后，覅但有效个解决国家处勒拉计划经济时期里向，因料作短缺而引起生活覅足个窘境，还解决国人个面子工程，真可谓是一举两得。尽管其他省市也开始学着像上海人一样，尝试着去做各式各样个“假领子（头）”，但畀过全国人民唯独就欢喜“上海产”“上海牌”个各种“假领子（头）”，也只认可“上海产”“上海牌”个各种“假领子（头）”，为啥呢？！侪是因为勒拉掰搿辰光，上海产个各种假领子（头），采用个是“树脂领”，而覅是其他类型个领头，穿迭种类型个领头，看起唻覅但相当挺括，而且还交关有面子。要是其他省市个人，晓得自家身边要是有亲朋好友去上海出差个闲话，眼扳数要伊帮一下忙，顺便去捎带几件“假领子（头）”回唻，即便呒没亲朋好友到上海出差，伊拉也会得采用汇款个方式，向上海专卖“假领子（头）”个商家或厂家去购买。 吾依旧还是迭能唻理解、认得并去认为个，之所以“假领子（头）”会受到国人个青睐，还是因为伊是采用零碎个料作搭废弃个边角料制作而成个，基本浪向是覅会去收取啥个布票个，要是果真有去收取布票个闲话，只畀过去收取少量个布票，稍微意思一下而已，况且伊个价钿也是邪气便宜个，伊既如同衬衫一样有侪全个尺码，还勒拉老百姓个心理承受范围之内，每个老百姓、每家每户侪能去承受个。 曾经吾看到家父陆吉良有穿过假领子（头）个，故而是晓得一眼眼个，勒拉最初个辰光，假领子（头）个颜色只有：“白色个”“灰色个”“浅咖啡色个”，到后末唻还发明各种花色，花色繁多以后，就可以轮换着去穿，假领子（头）覅但耐脏，而且换洗也便当。 勒拉掰搿辰光穿“假领子（头）”，还是有一番讲究个，大冬天最覅能去忽视如下个两条事项。第一就是：就算房间里向个温度升高以后、额骨头上冒出滴滴汗水，可以脱忒自家个外衣，唯有毛线衣裳是绝对覅能脱忒个，只因里向穿个是“一件假衬衫”，就只有前头个两片布，后面一片布，再加上两三个纽扣，还有两个布带套住臂膀，要覅然“假领子（头）”就会得向上“冒”出唻；第尼就是：只穿毛线衣裳，要是里向呒没领头，就会变成邪气难看个“和尚领”！ 勒拉计划经济个年代里向，还勒拉掰搿辰光个上海，对于覅少个男性人士唻讲伐，伊要是能够拥有一件或几件“假领子（头）”迭种类型个衣裳，即便是第一趟去搭女方或相亲或约会，或者讲，男性人士第一趟去女朋友个屋里向拜见各位长辈，做上门女婿个辰光，也同样是覅需要去心虚坍招势个，也是属于交关有面子个一桩事体。 覅仅是迭能样子，吾还听到过吾父辈级别个长辈，对吾讲过迭能一段闲话哦，讲道要是男性人士去相亲，或者讲第一趟去女朋友个屋里向拜见长辈做上门女婿个辰光，只为留下一个好印象，除忒身浪向会得穿一件“假领子（头）”以外，还会得配上“一套洋装搭一条领带”，所谓个“洋装”就是指“西装”，即便自家屋里向呒没个闲话，也会向一些交关要好个、有西装搭领带个亲朋好友暂借一借。无论天气是哪能炎热，也覅管自家浑身上下再哪能去冒汗大汗、大汗淋漓，也是覅能畀外套给脱忒个，如若是有脱去外套个闲话，或因为由于自家个覅小心，一旦有露出里向个'假领子（头）’以后，上海人通常会讲迭能一句闲话个，讲道：“迭个人赤膊戴领带，真是一个洋装瘪三嘛！”邪气容易畀大家看覅起、议论纷纷、说三道四一番个！ 今早仔，有覅少人（群），还愿意出高价去购买老底子个“假领子（头）”，或购买重新制作个各种“假领子（头）”，为啥大家侪都愿意迭能样子去做呢？！吾认为还是出于如下两个方面个考虑。 第一就是：当物质生活得到飞速发展以后，曾经作为一种过渡手段，早已退出勒历史舞台，呒没家庭还会去保留伊个，邪气少有人还会得去保留伊个，基本浪向侪都畀厾忒勒，伊既是属于集体记忆中个一小部分；还属于一份邪气好个话题搭谈资；更是属于历史见证；当一股复古风畀刮起，想要保留迭份见证，又去购买假领子（头）！ 第尼就是：某些行业需要佩戴“假领子（头）”，长时间出差外出旅行，分量轻携带方便，放勒行李箱里向覅占地方，哪怕只穿一趟就厾忒，成本也要比勒拉酒店里向送洗一件衬衫便宜，而且汏起唻也便当，还符合国际环保、国家提出建设资源节约型社会个理念！ 【备注：①：文章为作者原创；②：各种布票类图片搭假领子（头）类图片侪是源于网络上头个；③：万分感谢原创图片。】 杜老倌侠客居（陆伟）写于2017年10月26日礼拜四夜里向 |
|
|
