“咔擦咔擦”,牛杂阿叔边夹起牛杂,边用剪刀将牛杂剪成一截截,再淋上浓香嘅牛杂汁同酱料,我都不必顾及形象,直接喺街边开饭!
点击播放 GIF/1K
牛杂,个个广东人都食过,牛杂虽然被称为“杂”,但其实入边所有部位都条理分明,层层相扣,畀碗牛杂你,你又认得出几多部位? (文末仲有个搞笑神曲《牛杂》,记得睇完先好走!)
牛肚 牛嘅腹部叫「牛腩」而非牛肚,而我哋成日叫嘅「牛肚」,其实系指牛胃。 由于牛系反刍动物,牛胃有四室,分别为瘤胃、网胃、重瓣胃和皱胃,四个部份滋味各具特色,软腍、香滑、爽脆、烟韧。 牛肚/毛肚
牛胃第一格(即瘤胃),生满细毛,如地毡,称作毛肚、草胃,口感软腍。 金钱肚
牛胃第二格(即网胃),布满蜂巢纹路,估被称蜂巢胃,都系我哋经常讲嘅「金钱肚」,口感香滑。 牛柏叶
牛胃第三格(即重瓣胃),表面有很多瓣膜,被称为「牛百页」或「牛柏叶」,口感爽脆。 牛沙瓜
牛胃第四格(即真胃、皱胃),真正用嚟消化食物嘅部位,外表似瓜而被称为牛沙瓜或牛伞肚,口感烟韧。 牛双连
牛胃最厚嘅部份,即胃与胃之间嘅相连处,味道最香。 牛肠 牛肠头
牛肠最厚肉嘅位置,比较有咬口。 牛大肠
大肠清洗干净之后,会带有一层薄薄嘅脂肪,咬落去甘香四射,带有嚼劲。 牛竹肠
牛嘅小肠头,外皮薄,内有少量油脂,偏瘦爽身,脆中带香。 牛粉肠
牛嘅小肠部分,外皮较结实,入口粉糯带黏性。 牛肺
牛肺比猪肺要结实,更有弹性,口感腍滑带点爽脆。 牛膀
即牛嘅胰脏,一只头只有一小块,而且好难处理,堪称牛杂嘅精华所在,一碗牛杂嘅成败就睇牛膀嘅味道。 好嘅牛膀应该系入口粉糯嫩滑,甘香松化,且味道不羶不涩。 牛脆骨
牛嘅气管,与牛肺相连嘅软骨管道,系好罕见嘅部位,食落脆口 牛黄喉/牛心碇
牛心上嘅大动脉,口感爽脆,经常作为火锅或牛杂料。 少有部位 牛心、牛肝、牛肾较硬,不容易烹煮,所以牛杂中出现呢啲部位嘅几率唔高。
牛肝
牛肾
牛心
牛姜:牛嘅喉咙
牛天梯:牛嘅气管,因外型呈层状而命名 由于时间关系,仲有啲罕见部位就唔详细介绍啦,有兴趣嘅自己友,自己去查下~! 牛欢喜:牛嘅子宫 牛荔枝:牛嘅“高丸”,有人话应该叫“牛波子” 牛欢笑:牛嘅“音部” 牛 鞭:嗯,你明嘅…… 牛指甲:牛蹄上起甲后嘅嫩肉部位 牛头皮:牛头上嘅皮 ……
|
|