|
新朋友点标题下方“羊城攻略”查看历史攻略 小编微信:birdyguy 有样嘢，其实小编真系好烦恼，唔知大家觉唔觉呢？次次出街食饭望住个Menu都唔知叫乜好，样样都好想食！！！就算系壕唔使顾虑个荷包，但我地既小胃子真系一个好唔Organic既器官！唔比佢食佢要搞抗争，食太多佢又要搞抗争！究竟点样先可以样样都食到，又唔怕浪费食唔晒呢？！ 解决E个烦恼最好既办法就系去食放题啦！听讲梦幻创意料理，系出左一系列好有创意既料理之后，决定系模式上都搞搞新意思，系E个冬天正式推出梦幻创意日式放题！ 咁大家又会唔会认为所谓放题就系自助餐，只不过改左个比较“Bigger”既叫法呢？ 其实日式放题系指日式料理中既半自助形式。半自助既方式唔同于一般自助餐，讲究既系更新鲜！更现场既做法！全部都系即点即做！ 唔使好似一般自助餐咁走黎走去，唔需要排队拿嘢食甚至要六亲不认咁去抢！只要将你想食既嘢落单比服务员，师傅就会根据各台客人既要求，即点即做。令到我地可以更轻松咁去享受美食，自由自在想食几多就点几多，随心所欲想食乜就点乜，任点任食！无需顾虑荷包或者因为份量问题而节制，E个就系放题既精粹。 一样既用心，一样既品质，一样既诚意！为大家带黎更加丰富既饮食体验！ 刺身一向都系日式放题最关注既野啦，除左三文鱼北极贝之类既例牌款式，仲有老板诚意推出大大只爽口又弹牙既原只海螺！而且一D都唔使担心刺身会缩水，老板好有觉悟，反正都系任点任食，梗系切大大块等大家食个痛快啦！ 系E个被各种美鱼包围既良辰，我对人生有左新既感悟！平时同D损友系酒吧吹水劈酒争薯片，都实在太无意义啦！！！够胆同我争薯片？！黎梦幻放题闲闲地叫翻三五七打三文鱼北极贝劈到你班友仔胃抽筋都得啦！！使鬼争咩！Call齐人去劈厚切三文鱼同大大只北极贝啦！ 身为一个中国人，梗系要有翻多少米气落肚啦，梦幻创意为大家准备左各款热门手握寿司，当然唔会少得既系，梦幻创意料理的招牌，热寿司！
果酱大虾卷 大大只虾铺面抢晒镜！而且食落发觉，距地E度好多寿司都系用果酱代替沙拉酱，好健康，真系好食得黎又卑距搞到D新意思，唔简单！
鳕蟹黄金寿司卷 鳕场蟹高级嘢，唔解释！蟹肉好大一旧，肉质扎实，一样用果酱，甜甜地但系又唔会盖过蟹既鲜味，可以食到蟹好鲜甜！正！ 蟹肉锅烧热寿司 哇，真係用煲上噶喔，同煲仔饭嘅煲唔同，呢只“寿司煲”就精致D，一上台服务员就帮我哋点着火，畀佢烧热。 煮到咁上下，就听到啫啫煲嘅“滋滋”声，证明呢个锅烧寿司真係有“烧”到噶！
食惯冻嘅寿司，热寿司真係零舍过瘾。睇到烟飘出嚟，寿司饭又吸收晒D酱汁，食落口特别滋味！
川味锅烧鲑鱼寿司呢个鲑鱼寿司，係拣咗鲑鱼皮下脂肪最肥美嘅部位嚟做嘅，口感特别嫩滑丰润噶。
值得一提嘅仲有佢嘅川味做法，係用传统嘅川菜烹饪方式做出嚟辣酱，将四川菜同寿司结合喺一齐，呢个IDEA前所未闻，不过又真係好match。
生蚝锅烧寿司呢个生蚝寿司绝对係靓仔靓女嘅福音！咪以为生蚝净係可以斋生食或者烧嚟食，宜家仲可以做寿司啦。
生蚝肥美滑嫩，营养丰富，蚝肉丰腴，再加上呢度嘅独特调料，成个味道都特别吸引。
阿根廷大红虾刺身 阿根廷大红虾周身通红，而且营养丰富，所以近几年成为咗好多美食爱好者嘅最爱。不过喺其他地方食，斋一只就要成30蚊，真係穷D都唔敢点嚟食。不过梦幻竟然将佢加入放题，无限量任食！
今次梦幻料理嘅阿根廷大红虾，每一只都鬼死咁大只，仲长过我部IPhone，真係不得了！
食过呢只阿根廷大红虾刺身之后，我先知道点解咁多人都钟意食海鲜刺身。因为佢味道真係超级鲜甜！嫩滑嘅虾肉仲好有弹性，咬入口嘅瞬间，鲜甜嘅虾味挤晒出嚟，原始嘅鲜味喺口里面升华。
盐烧阿根廷大红虾咁抵食嘅嘢梗係唔可以畀佢停！点多款盐烧阿根廷大红虾又点话。
烧到虾身红卜卜，睇起身都食欲大增。而盐烧嘅烹制方法，就喺鲜嘅基础上加入咗咸鲜味，味道更加深刻。
阿根廷大红虾寿司最后仲有呢个大红虾寿司，成只完整嘅阿根廷大红虾“瞓”喺寿司饭上面，造型好靓。
微熟嘅大红虾味道同样鲜甜，不过肉质就更加结实，兼且爽口弹牙，食入口好有口感。
各色烧物 一般既放题系唔会包括啤酒，但老板为左令大家尽兴而归，又与时俱进，所以今次来自星星的放题，烧物任点啤酒就任叫！各式各样即点即烧香脆可口既烧物配搭冰爽既啤酒！知己两三畅谈人生共聚好时光！
海胆酱烧生蚝 蒜蓉烧生蚝就食得多，海胆酱烧你又试过未？浓郁香浓既海胆酱配上爽滑既生蚝，真系别有一番风味噶！真系超好食啊！！！
烤昌鱼 新鲜既昌鱼！即点即烤！为左保证风味，系成条上噶！中意食几条就点几条~千万唔好错过！
澳洲牛肩扒 如果系钟意啖啖肉既朋友可以试试个牛肩扒，铁板热辣辣，烧汁好野味！睇真下，块肉又厚又大块，建议大家最后先食，如果唔系就食唔落其他野噶啦！ 法国鹅肝蒸蛋 法国鹅肝一直係高大上嘅代名词，通常都係喺法国餐厅嘅菜牌上先见得到，但係梦幻料理却用佢嚟做放题，呢个虽然好唔科学，但係真係坚噶！
而且更加令人惊讶嘅係，鹅肝竟然可以用嚟蒸蛋！！！太碉堡了吧！真係刷新我嘅三观！不过讲真嗰句，鹅肝同蒸蛋嘅结合又真係几夹，呢个蒸蛋本身就调咗味，味道有D咸，加上煎过嘅鹅肝，香浓嘅鹅肝油渗透入蒸蛋里面，呢个蒸蛋瞬间高大上咗。
鹅肝军舰寿司平时食嘅军舰寿司最多都係得螺肉、章鱼、海藻，不过攞鹅肝做军舰寿司，而且仲係放题嘅，梦幻都係第一间。满满嘅冻鹅肝铺喺面头，呢种感觉唔係只言片语就可以形容，我只可以话，食食食！
食食下，服务员突然攞咗只鲍鱼过嚟，话係赠送嘅。哇，咁大只澳洲鲍鱼，居然唔使钱免费送！老板你无问题啊嘛~~~
除咗鲍鱼，仲可以拣秘制清酒冻鹅肝。
喜庆聚会除咗平时同朋友仔一齐嚟食放题，梦幻料理仲好适合举办喜庆宴会、公司活动、朋友聚会噶。因为呢度地方够大，而且装潢浪漫又有艺术feel，喺呢度办聚会肯定够吸引。需要畀个good嘅就係，梦幻料理全年无休，春节、情人节都唔休息，而且绝不加价！
另外一样，就係传统嘅聚会都係喺酒楼食粤菜，一D新意都冇，如果可以喺日料店举办宴会或者公司年会，肯定会令人耳目一新，食都食得特别开心啊！ 梦幻嘅阁楼仲有房间，好适合年底一家大细或者亲朋戚友聚会食团年饭，梦幻宜家都有团年饭套餐，选择丰富，肯定畀到你一个特别嘅团圆夜。
1、梦幻料理晚市放题每位赠送冷制澳洲鲍鱼1只或者秘制清酒冻鹅肝1件；（以上赠送菜品因货源关系可能会有所变更） 2、晚市放题3位或以上同行赠送清酒1壶或者自家制梅酒1壶；（以上赠送优惠仅适用于晚市17:30——22:30）； 3、凡生日当天到梦幻料理食放题，6位或以上同行，可享1人免费。（团购及银行卡减免优惠不能同时使用） 4、大众点评团购午餐118蚊一位，晚餐148蚊一位。
1、日本空运季节鲜鱼刺身因数量有限，先到先供应，鲜鱼品种以当天实际供应为主。 2、为免造成身体不适或食物浪费，建议用餐时按个人情况少量多品种适度点餐，食几多点几多。 好莱坞梦幻创作料理 地址：北京路238号名盛广场一楼1B58档(北京路市一宫与消防局中间) 电话：020-83190111 020-83190222 营业时间：11:30-22:30 微信账号：menghuan760522（梦幻创作料理）
相关推荐：关注羊城攻略后直接回复括号中的数字即可获得完整攻略，不要加括号【】,更多攻略，请回复‘目录’ 【721】周六小清新一下，去一次小洲村 【714】周末休闲的好去处，带着你的Ta一起去石室圣心大教堂吧 回复对应关键词查看对应内容： | 目录 | 咖啡馆｜闺蜜｜下午茶｜日本料理 | 甜品｜酒吧 | 夜蒲 | 地铁 | 早茶 | 海鲜 | 周末 | 海边 | 旅游 | --------------------- 羊城攻略(ID:birdguys)，覆盖超过1000w人的WeMedia联盟成员之一 |
|
|
